TEJO Tutmonde
TEJO Tutmonde, mallongigita kiel TT, estas oficiala informilo de Tutmonda Esperantista Junulara Organizo (TEJO) pri la junulara Esperanto-movado. Inter la jaroj 1983 kaj 2010 ĝi aperadis kiel memstara papera revuo, post tiam kiel memstara rubriko de la revuo Kontakto, kultursocia revuo de la sama organizo. Kiam ĝi estis aparta, ĝi kutime estis sendata kun Kontakto, kelkfoje aparte. Ricevadis ĝin individuaj membroj de TEJO kaj Patronoj de TEJO. Ĝi aboneblis ankaŭ aparte kontraŭ duono de la (UEA)/TEJO-kotizo MJ-T por la koncerna lando.
La lasta aperinta numero de TEJO Tutmonde kiel aparta revuo estis la duobla numero 143–144 (2010:5-6). Post tiam, lige kun renovigo de Kontakto kiel reago al okazinta legantara enketo, TEJO decidis transformi la revuon TEJO Tutmonde en apartan rubrikon en Kontakto konservante la nomon „TEJO Tutmonde“.
Redaktoroj redakti
Redaktoroj de TEJO Tutmonde kiel aparta revuo estis:
- Paul Hopkins (1983-1984)
- Andy E. Künzli (1985-1991)
- Klaus Dahmann kun Thomas Pusch kaj Remi Rudaitytė (1991-1993)
- Kalle Kniivilä (1993-1997)
- Rick Newsum (1997-2003)
- Joel Amis (2004-2006)
- Marcos Cramer (2006-2009)
- Nicola Ruggiero (2009-2011)
Redaktoroj de TEJO Tumonde kiel movada rubriko de Kontakto estis:
- Daniel Mrázek (2011)[1]
- Szilva Szabolcs (2012-2013)
- Massimo Ripani (2014 - 2017)
Referencoj redakti
- ↑ Nova redaktoro pri movadaj novaĵoj de TEJO – Daniel Mrázek[rompita ligilo]
Vidu ankaŭ redakti
- TEJO-aktuale - ĉiusemajna novaĵletero de TEJO
- Kontakto - soci-kultura revuo de TEJO
Eksteraj ligiloj redakti
- TEJO tutmonde Arkivo kun ĉiuj numeroj de 1983 ĝis 2010, senpage elŝuteblaj
- Aliĝilo al TEJO (TEJO-membroj aŭtomate ricevas la gazeton Kontakto kun la rubriko TEJO Tutmonde)
