Tamins
| Tamins | |
|---|---|
| Kantono | Grizono |
| Distrikto | Imboden |
| Komunumaro | Trins |
| Koordinatoj | 46° 49′ 48″ N 9° 24′ 18″ O / 46.83000 °N, 9.40500 °O (mapo)Koordinatoj: 46° 49′ 48″ N 9° 24′ 18″ O / 46.83000 °N, 9.40500 °O (mapo) |
| Nombro de loĝantoj | 1163 |
| Areo | 40,74 km² |
| Alteco | 622 m super marnivelo |
| Poŝtkodo | 7015 |
| Komunumkodo | 3733 |
Pri la komunumoRedakti
Tamins (en la romanĉa lingvo Tumein) estas komunumo de la komunumaro Trins kaj la distrikto Imboden en Kantono Grizono, Svislando. Ĝi havis 1163 loĝantojn je la 31-a de decembro 2009.
GeografioRedakti
Tamins etendiĝas de la bordo de la rivero Rejno en sudo al la Glarusaj Alpoj en nordo. Sude de la komunuma frakcio Reichenau kuniĝas la Malantaŭa Rejno kaj Antaŭa Rejno al Rejno. La komunumo konsistas el la vilaĝoj Tamins, Reichenau kaj Kunkels norde de la Kunkelspasejo. La rivereto Görbsbach norde de Kunkelspasejo alfluas al la rivero Tamina.
Najbaraj komunumojRedakti
La komunumo Tamins limas en nordo al Pfäfers (SG), en oriento al Felsberg, en sudoriento al Domat/Ems, en sudokcidento al Bonaduz, kaj en okcidento al Trin.
Monda naturheredaĵoRedakti
Tamins apartenas al la Svisa Tektonika Areno Sardona, regiono kiu estis la 7-an de julio 2008 akceptita kiel Monda Naturheredaĵo de UNESKO.
TrafikoRedakti
Tra Tamins pasas la kantona ĉefvojo n-ro 19 al Oberalppasejo, kiu komenciĝas apud Tamins aliflanke de Rejno. Aliflanke de la rivero pasas sur teritorio de la komunumoj Domat/Ems kaj Bonaduz la kantona ĉefvojo n-ro 13 kaj la svisa aŭtovojo A13 kaj la fervojlinio de Retia Fervojo, kies stacidomo Reichenau-Tamins fakte ankaŭ situas sur teritorio de Domat/Ems. Tra la vilaĝo Tamins mem pasas la poŝtaŭtolinio de Koiro al Flims kaj Laax.
HistorioRedakti
La unua dokumenta mencio de Tamins datiĝas el la jaro 1224 kiel Tuminne.
Dum mezepoko Tamins formis kun Trin kaj Reichenau la Senjorujon Trins, kiu nomiĝis ek de 1616 Senjorujo Reichenau kaj ekzistis ĝis 1803. En la jaro 1799 Tamins kun escepto de la preĝejo estis komplete bruligita de francaj trupoj. En la jaro 1905 denove inscendio detruis grandan parton de la vilaĝo.[1]
Notoj kaj referencojRedakti
- ↑ Fonto: Linus Bühler: Tamins - Mezepoko kaj Novepoko en Historia Leksikono de Svislando (2006-03-07)[rompita ligilo]
Vidu ankaŭRedakti
Eksteraj ligilojRedakti
- Oficiala retejo de la komunumo Tamins
- Tamins en la Historia Leksikono de Svislando germane france itale
- Vidu ankaŭ en la Vikimedia Komunejo la kategorion Tamins – (Kolekto de bildoj kaj plurmediaj dosieroj)