Malfermi la ĉefan menuon

Tehuakan-vala kserofitaro

Tersupraĵa ekoregiono en suda Meksiko en la biomo de la dezertoj kaj kserofitaroj
Situo de la ekoregiono.

La tehuakan-vala kserofitaro estas tersupraĵa ekoregiono el la centramerika ekoprovinco de la neotropisa ekozono laŭ la tipologio de la Monda Natur-Fonduso (WWF). La ekoregiono estas parto de la tutmondaj 200-regiono "ĉiuaŭa kaj tehuakan-vala dezertoj". Biome ĝi apartenas al dezertoj kaj kserofitaroj de orient-centra Meksiko.

PriskriboRedakti

 
Vegetaĵaro en la ekoregiono.

La tehuakan-vala kserofitaro okupas la valojn de Tehuacán kaj Cuicatlán, kovrante partojn de la subŝtatoj Pŭeblo kaj Oaĥako. La valoj troviĝas en la pluvombro de la ĉirkaŭantaj montaraj ĉenoj, kaj estas pli sekaj ol la ĉirkaŭantaj ekoregionoj.

La tehuakan-vala kserofitaro limtuŝas nordokcidente, norde kaj nordoriente la neĝmontarajn pinarojn-kverkarojn, oriente la oaĥak-patrinmontarajn pinarojn-kverkarojn, kaj sudoriente, sude kaj sudokcidente la balsasajn sekajn arbarojn.

FlaŭroRedakti

 
Vegetaĵaro en la ekoregiono.

La tehuakan-vala kserofitaro estas centro de plantodiverseco, kun pli ol 2 700 da specioj, el kiuj proksimume 30% estas endemiaj. Ĝi estas riĉaĵejo por speciodiverseco de agavoj, Hechtia, salvioj, kaj kaktoj.

La ekoregiono havas nombron da diferencaj plantokomunumoj.

FaŭnoRedakti

La ekoregiono estas notinda por sia diverseco pri birdoj kaj kiropteroj. El la 90 birdospecioj, 10 estas endemiaj, inkluzive de Toxostoma ocellatum (mimedoj), kaj la brida ajmofilo (Aimophila mystacalis). 34 kiroptero-specioj estas indiĝenaj en la ekoregiono, el kiuj 18 estas endanĝerigataj, vundeblaj, aŭ maloftaj.

Vidu ankaŭRedakti

BibliografioRedakti

  • angle Valiente-Banuet, Alfonso, Noe Flores-Hernandez, Miguel Verdu, Patricia Davila 1998 : The chaparral vegetation in Mexico under nonmediterranean climate: the convergence and Madrean-Tethyan hypotheses reconsidered, American Journal of Botany, 85, 1398-1408. [1]

Eksteraj ligilojRedakti