Malfermi la ĉefan menuon

UK 1930

22-a Universala Kongreso de Esperanto
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

La 22-a Universala Kongreso de Esperanto okazis de la 2-a ĝis la 9-a de aŭgusto 1930 en Oksfordo, Britio. Venis 1211 partoprenantoj el 30 landoj. Granda sukceso de la Cseh-metodo. Ĉeftemoj: Esperanto en la radio kaj komerco.

UK 1930
Loko Oksfordo, Flag of the United Kingdom.svg Unuiĝinta Reĝlando
Ekde 2-a de aŭgusto 1930
Ĝis 8-a de aŭgusto 1930
← Antaŭa Sekva →
Information icon.svg
vdr
Partoprenantoj de la kongreso

Kunaranĝis la kongreson L. N. Newell kaj K. R. C. Sturmer. En la somera universitato prelegis interalie Bruno Migliorini. Pastro T. Grahame Bailey estris protestantan diservon, pastro Gaffney katolikan.

En la kongreso oni prezentis la anglan komedion "La Onklino de Charley" de Brandon Thomas. Amuzis viro aktoranta en virinaj vestoj. La rolantaro estis internacia. La nurenbergano August Starke estis la onklino. Oni laŭdis la prezenton pro flua traduko, trafaj esprimoj, elparolado komprenebla. La reĝisoro estis Julio Baghy.