Malfermi la ĉefan menuon

UK 2004

89-a Universala Kongreso de Esperanto
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

La 89-a Universala Kongreso de Esperanto okazis de la 24-a ĝis la 31-a de julio 2004 en Pekino, Ĉinio. Venis 2031 partoprenantoj el 51 landoj.

UK 2004
Loko Pekino, Flag of the People's Republic of China.svg Ĉina Popola Respubliko
Ekde 24-a de julio 2004
Ĝis 31-a de julio 2004
← Antaŭa Sekva →
v  d  r
Information icon.svg
UK 2004.jpg

Dum la Universala Kongreso en Pekino estis elektita nova estraro de la Universala Esperanto-Asocio por la sekva, dujara periodo. Prezidanto de la asocio restis la italo Renato Corsetti. Claude Nourmont el Francio estis elektita kiel kasisto, Ulla Luin el Svedio iĝis la ĝenerala sekretario. Krome estis elektitaj Ans Bakker-Ten Hagen (Nederlando), Maritza Gutierrez (Kubo), Amri Wandel (Israelo) kaj Yu Tao (Ĉinio).

Prezentita teatraĵoRedakti

Kongresa rezolucioRedakti

La 89a Universala Kongreso de Esperanto, okazinta en Pekino, Ĉinio, de la 24a de julio ĝis la 31a de julio 2004 kun 2031 partoprenantoj el 51 landoj,
traktinte la temon "Lingva egaleco en internaciaj rilatoj",
notante, ke la jaro 2004 markas 50 jarojn da oficialaj rilatoj inter UEA kaj Unesko,
memorante, ke rezolucioj de Unesko notis la rezultojn atingitajn per Esperanto sur la kampo de internaciaj intelektaj interŝanĝoj kaj por la proksimiĝo de la popoloj de la mondo kaj rekonis, ke tiuj rezultoj respondas al la celoj kaj idealoj de Unesko,
notante la "Raporton pri Homa Evoluigo 2004" de la Evoluiga Programo de Unuiĝintaj Nacioj, kiu asertas, ke la libereco de esprimado kaj la uzado de lingvo estas nedisigeblaj,
alte taksante la agadon de la ĉina registaro, kiu, cele al pli justa kaj diverseca aliro al internacia interkompreniĝo, subtenas la instruadon kaj utiligon de Esperanto, konforme al la spirito de la rezolucio de Unesko,

DEKLARAS

ke demokratia kaj egalrajta komunikado en internaciaj rilatoj estas esenca por internacia interkompreno kaj paca kunlaboro surbaze de egalaj lingvaj rilatoj,
ke estas bezonata nova internacia lingva ordo, kiu garantiu egalecon, diversecon kaj demokration en lingvaj aferoj kaj efikan komunikadon inter nacioj kaj aliaj homgrupoj lingve malsamaj, ĉar en la nuna monda lingva situacio, kun kreskanta superrego de iuj lingvoj super aliaj, ne eblas realigi tiujn principojn,
ke neŭtrala komuna lingvo estu kerna elemento en tiu ordo, por atingi unuecon en diverseco inter la diversaj lingvoj kaj kulturoj je internacia nivelo,
ke sekve la internacia lingvo Esperanto, pruvinte dum pli ol cent jaroj siajn utilecon kaj praktikecon, meritas seriozan konsideron fare de internaciaj organizoj, ties membro-ŝtatoj kaj ĉiuj personoj kaj organizaĵoj de bona volo, kiuj respektas kaj deziras pacon kaj pacan kompreniĝon en egaleca etoso en nia hodiaŭa mondo,
ke por krei novan internacian lingvan ordon, kiu kontribuos al internacia kompreno kaj mondpaco, necesas forte subteni la enkondukadon de Esperanto en lernejojn, konforme al la spirito de la Unesko-rezolucioj, ĉar tio faciligas lingvolernadon ĝenerale kaj antaŭenigas internaciecan aliron al la mondo.

Aliĝintoj laŭ landojRedakti

Ordigo de la 1794 unuaj aliĝintoj laŭ 49 landoj.

Lando Aliĝintoj
  Ĉinio 931
  Japanio 177
  Francio 81
  Germanio 71
  Sud-Koreio 51
  Italio 46
  Rusio 37
  Litovio 36
  Nederlando 30
  Usono 27
  Kroatio 24
  Svedio 23
  Vjetnamio 22
  Brazilo 21
  Britio 19
  Aŭstralio 15
   Svislando 15
  Irano 13
  Belgio 11
  Finnlando 11
  Bulgario 10
  Hispanio 10
  Kanado 10
  Ĉeĥio 9
  Israelo 9
  Pollando 9
  Islando 8
  Nepalo 8
  Hungario 6
  Norvegio 5
  Aŭstrio 4
  Danio 3
  Barato 3
  Kubo 3
  Pakistano 3
  Portugalio 3
  Estonio 2
  Grekio 2
  Luksemburgo 2
  Serbio kaj Montenegro 2
  Slovakio 2
  Slovenio 2
  Kanarioj (Hispanio) 1
  Irlando 1
  Kolombio 1
  Latvio 1
  Togolando 1
  Ukrainio 1
  Uzbekio 1
  Venezuelo 1

Eksteraj ligilojRedakti