Umberto Giordano

Umberto GIORDANO [umberto ĝordano] (naskiĝis la 27-an de aŭgusto 1867 en Foggia, Italio, mortis la 12-an de novembro 1948 en Milano) estis itala oper-komponisto, reprezentanto de verismorealisma stilo. Lia plej konata opero estas la Andrea Chénier.

Dosiero:Umberto Giordano.jpg
Umberto Giordano (1867-1948)

Giordano estis filo de manufakturisto, komencis siajn muzikajn studojn en Foggia kaj finis ilin en Napolo. Li verkis siajn fruajn operojn - inter ili la Mala vita (Malbonega vivo; 1892) - en forta, melodramisma stilo.

En Andrea Chénier (1896) - pri franca revolucia poeto - li obtuzis la sovaĝecon per mildaj trajtoj kaj tiu verkaĵo iĝis eterna sukceso. Nek la verko Fedora (1898), nek Siberia (1903) nek Madame Sans-Gêne (1915) atingis tioman sukceson kiel tiu. La La cena delle beffe (Festo de la klaŭnoj, 1924) okazas en mezepoka Florenco kaj signas returniĝon al spektakla stilo.