Ĝermolisto de planlingvoj

listartikolo en Vikimedio
(Alidirektita el Unesal Interlingu)

Tiu ĉi artikolo estas ĝermoj pri planlingvoj. Movu unufrazajn artikolojn pri planlingvoj en tiun ĉi paĝon metante alidirektilon. Se vi volus partigi en apartan artikolon, partigu aldonante minimumajn informojn.

Artaj kaj fikciaj lingvoj

redakti

Amaubo

redakti

Amaubo estas arta lingvo kreita de Chris Merck kun luda celo por simuli lingvon de druidoj en rolludo. Ĝia gramatiko estas tre simpla kaj tre simila al Esperanto. Ĝia vortodo estas SVO. La ĉefa karaktero de ĝi estas ne uzi spacon inter la vortoj. Ŝajne la lingvo ne estas kompleta sed, ĉar ĝi havas nur ludan celon, la kompleteco ne estis dezirata.

De Roger Kuiper

redakti

Crodisonian

redakti

Chrodisonian estas fantazia projekto de marsa arta lingvo de Roger Kuiper ankoraŭ ne finita. La lingvo uzas grekajn kaj latinajn literojn, kaj ĝia fonologio estas tre influita de la angla.

Kzinti

redakti

Kzinti estas fikcilingvo kreita de Roger Kuiper. La projekto ankoraŭ ne estas kompleta. La lingvo estis kreita por roluloj Kzinti, kreitaj de Larry Niven por Star Trek. Ĝi havas propran alfabeton. Specimeno uzante la latinajn literojn, Genezo 1:1: G'cu zhu lidjza zhu L'iz' grrrez' zhu Veldte, kukamosw, zhu faapa yahughnost'ss zhu 'er'th. (Pli troveblas ĉe la retpaĝo.)

Rhan estas unu el la artaj lingvoj kreitaj de Roger Kuiper. Estas malmultaj informoj pri ĝi, ĉar la projekto jam ne estas finita.

Talcas

redakti

Talcas estas unu el artaj lingvoj kreitaj de Roger Kuiper al iu fikcia "Popolo de Dio". La projekto ankoraŭ ne estas finita kaj ne estas multaj informoj pri ĝi, ŝajne la lingvo celas esti fono de iu rolludo.

De signaturo F.-F.

redakti

Aawaaniaan

redakti

Aawaaniaan estas arta lingvo kreita de signaturo Kimberlée Anne-Marie Elisabeth Von Fackenthall-aus-Frohnleiten.

Patro nia: Ahwwhoon' didi waasmaayaa'. Naasem' ash maasoon', / keekee' maalu'umaa, / Neewee' aanaamm' aankaa'mi saaf waasmaayaa', haawaa' laa soonkaaf' waalaa', / waaboonaam' beesheem' , weekaam' waaf baaloo'-boonaam, waylaa' telaan' mesoonoon', / ellaa' woowesh' meteesh'. / Almeen'.

Aphtesalon

redakti

Aphtesalon estas planlingvo kreita de signaturo Kimberlée Anne-Marie Elisabeth Von Fackenthall-Aus-Frohnleiten (eble plumnomo). Eble apriora lingvo kaj persona arta lingvo.

Patro Nia: Noti Peksipu, ksipsithep'soli, ksipi' fethu manipsi', vinepsipa'lu tem'pa, papthepsikra'ni pu'tha, seno kranethi' kas pe'tho epsoli', kresopolipsi' vanusipsanus, oligranipso'thi noti tressipsime'this psi'tha kis oligranipsothim'pi, gapi'thi noti nenosoffi'ksi pethipeksi', ksis pandothi' feso'then, Ameni.

Betebet

redakti

Betebet estas planlingvo proponita de Kimberlée Anne-Marie Elisabeth Von Fackenthall-Aus-Frohnleiten, ĝi estas parte bazita sur la korea lingvo, eble estas luda persona arta lingvo.

Patro Nia: Buun Bekidits, birbin bal Dinaninan, / asir akbinbaal juubl, / senbinbakl jakbidibi hongl, / hapbindlbun bandin ponapun, / janBusunl pon anpo jublDinaninan pangl, / mohomgin apap jonijinl kapapin, / ponabamhoml dok mossinl binglbim; joppa nossinl bojibonlbim, / dobammadl johonhan nap danpanlban, / pun ampopanan jakadlmin. / Ammon.

Topong

redakti

Topong estas unu el artaj lingvoj kreitaj de Kimberlée Anne-Marie Elisabeth Von Fackenthall-aus-Frohnleiten. Ŝajne la lingvo estas kreita por simili al orientaj lingvoj. Ne estas pliaj informoj pri ĝi.

Patro Nia: Sim Arahng, Poheng Ateng, / Chunai yemginging / fao yat in yen sileng / fao jung sobong / mung gatjong si mung Ateng / sao mut idong chungimai-imai / salumeng mut ching chensai, / simut salumeng chensai chingai. / Baojong jing mut pawn / nak bijeling mut solongam / Ameng

Adawa estas planlingvo (eble fikcilingvo) proponita de Bruce Foerster. Ĝia celo estas kombini eksprimkapablon el kelkaj malsamaj lingvoj ĉefe la keĉua, kinjarŭanda, kimra kaj araba por esprimi la vastan atingpovon de homa penso kaj sentoj. Ĝi havas sistemon de emociindikaj vortetoj.

Altuta lingvo

redakti

Altuta lingvo estas internacia planlingvo kreita de belga katolika monaĥino Clémence Ternest en 1951. Ĝi estas naturalisma planlingvo bazita sur la latinidaj lingvoj, sed kun skema derivado kaj specialaj sufiksoj por indiki vortkategoriojn.

Anglo-Lato

redakti

Anglo-Lato (Anglo-Lat) estas internacia planlingvo proponita de Robert Monteiro aŭ MONTERO en 1967. Ĝi estas kompromisplanlingvo kaj baziĝas sur la angla kaj la hispana lingvo. Skizo pri la projekto aperis en revuo Quinto Lingo.

Tiu ĉi planlingvo estas klasifikebla kiel hispanangla kompromisa lingvo. Ĝia aŭtoro, Robert Montero, estas el Kolombio kaj translokiĝis al Usono[1].

Malsame al Esperanto, la tempverboj finas per -t, ne per -s. En Anglo-Lat la akuzativo kutime ne estas markita, kaj pro tio la objekto devas sekvi la verbon same kiel en la angla. Tamen, kelkfoje la prepozicio a (simile al Hom-Idyomo) estas uzata:

  • Mi amat a miu sposa. (Mi amas mian edzinon).
  • Nosu mater amat a nos multi. (Nia patrino amas nin multe).
  • A kien vidit se? (Kiun vi vidas)

Montero nenie en siaj gramatikaj klarigoj pri Anglo-Lat pritraktas la uzon de a antaŭ rektaj komplementol, kiuj estas personoj.

Atlo-Greka

redakti

Atlo-Greka estas planlingvo proponita de Edward Field en 2004. Ĝi estas bazita en malnova greka, malnova egipta kaj malnova kripra lingvo. Eble ĝi estas luda persona arta lingvo.

Dastmen

redakti

Dastmen (dastmene: Dactmen) estas internacia helplingvo konstruita de Juan M. Jiménez Noguera de 1984 ĝis 2005.

D'lateequ

redakti

D'lateequ estas arta lingvo de fikcia mondo Teequ. Ĝi havas tre belan kaj interesan skribsistemon, eble inspirita en stenografio, sed sen zorgo pri rapideco.

Dorluliz

redakti

Dorluliz, la "lingvo de drakoj", estas arta lingvo kreita de anonimulo eble kun ludaj celoj. La projekto estas nekompleta kaj ŝajne forlasita. Interese estas pronomoj, klasifikitaj en "drakaj" kaj "ne-drakaj": dok = vi (drako), dokl= vi (nedrako).

Dutalingue

redakti

Dutalingue estas esperantido proponita de idisto Alphonse Duthil (Dutil?) (kiu naskiĝis en 1876) en 1908. Dutalingue, vere, estas unua "idido", t. e., unua provo reformi Idon. La aŭtoro ankaŭ proponis optezon.

Ĝi ricevis bibliotekan klasifikon 413.4 "1908" de Biblioteko Butler.

E2 estas esperantido proponita de ulo kiu nomas sin Sindelka en 2003. Ĝia celo estas plinormigi kaj simpligi Esperanton.

Eklekta

redakti

Eklekta aŭ Eklektu (ne konfuzu je Eklektu proponita de Herman Miller) estas planlingvo kreita de Otto Jespersen en 1907, sed ne publikita, eble estas praformo de Novialo. Oni konas ĝin nur per studo farita de Richard Berger en 1927 en revuo.

Nombroj 1–10: ek, du, tri, tcar, pent, hok, sept, pat, nov, deg

Ekstra lingvo

redakti

Ekstra lingvo, Extra lingua aŭ Extra-lingua estas planlingvo proponita de A. Miller en 1918. Ĝi estas kompromisplanlingvo inter la angla kaj latinidaj lingvoj.

Eŭlingvo

redakti

Eŭlingvo (Eulingua) estas eŭroklono kreita de Joachim Henriksson bazita sur latina lingvo kun influoj de la angla kaj la hispana lingvo.

Eŭropa lingvo (Foddik)

redakti

Eŭropa lingvo (European) estas internacia planlingvo proponita de Robert Foddik el Utrecht, Nederlando, en 1931. La aŭtoro poste transiris al Interlingvao.

Farlingo

redakti

Farlingo) estas esperantido proponita de Vladimir Farber kaj Matvei Farber el Rusio en 2001.

Tio projekto estas kreita por perkomputila traduko kiel peranto inter planlingvoj kaj naturaj lingvoj. Ĝi uzas nur simbolojn de usona klavaro.

Fraternitato

redakti

Fraternitato (Fraternitat, «Frateco» en kataluna lingvo) estas internacia planlingvo proponita de Del Monaco en 1912. Ĝi estas projekto tre simila al Romanaï. Eble estas eŭroklono.

Frendo

redakti

Frendo estas kompromisplanlingvo inter la angla kaj hispana lingvo proponita de kataluno Alonso Churruca en 1966.

Nombroj (1-10): una, dua, tria, kua, kuina, sesa, septa, okta, nua, dela

Bibliografio
  • Churruca, A: Frendo. Ensayo sobre una lengua universal. Tarrega: 1973

Gavlensolalio

redakti

Gavlensolalio aŭ Gavlensolalie estis adapto de pazigrafio Gavlensografio kiel internacia planlingvo farita de H. Von Gablenz el Leipzig tiam en Pollando. Gavlensografio estis proponita en 1856 kaj Gavlensolalio en 1860. Tre eble estas apriora lingvo.

Hänäthlîêr

redakti

Hänäthlîêr estas fikcilingvo bazita en Sindarin. Ĝia fonetiko estas tro influita de la angla. La projekto ŝajnas nekompleta.

Ekzemploj:

  • än tâsh
Kiel vi fartas?
  • Oyen tenäe tash
Mi fartas bone
  • ämeäl
Dankon

Ialo estas internacia planlingvo proponita de Henry Frome Jolin el Doylestown, Usono, en 1938.

Ilianóre

redakti

Ilianóre Arkivigite je 2007-08-07 per la retarkivo Wayback Machine estas unua arta lingvo kreita de Jeff Smith en 1999 por fikcia lando Scéaldings, kun klara influo de lingvoj de J.R.R. Tolkien. La projekto restas nekompleta.

Interlango

redakti

Interlango (InterLang) estas planlingvo proponita de Douglas Green, Kristian Jarventaus kaj Kevin Albrecht en 2003. Ĝi estas propono de skriba lingvo por interreto.

Interlingvo de DLT

redakti

Interlingvo de DLT estas modifo de Esperanto por igi ĝin pli taŭga por utili kiel interlingvo de aŭtomata traduk-sistemo Distribuita Lingvo-TradukadoMalcentra Traduksistemo kreita en 1983 de laborantoj de nederlanda firmao Buro voor Systeemontwikkeling.

Internacia Lingvo

redakti

Internacia Lingvo estas apriora planlingvo proponita de Johann Michael Schmid (1767-1821) en Germanio dum la komenco de 19-a jarcento kaj tuj forgesita. Tre eble estis nur pazigrafio.

Ïpetas

redakti

Ïpetas estas unu el artaj lingvoj kreitaj de Tuomo Sipola, kiu ankaŭ kreis Eseion. Ĝi estas bazita sur keltaj lingvoj. Ĝi havas 3 deklinaciojn, male, la verbo estas multe tre simpla. La projekto ŝajnas nekompleta.

Kordron

redakti

Kordron Arkivigite je 2007-12-12 per la retarkivo Wayback Machine estas arta lingvo kreita de anonimulo. Ĝi estas tre simpla projekto, ĝia apriora vortprovizo havas nur 70 vortojn. Ŝajne ĝi estas elemento al rolludo.

Kosmolingvo

redakti

Kosmolingvo (Cosmolingvia) estas apriora projekto de internacia planlingvo kreita en 1927 de Samuel Horowitz, el Krakovo, Pollando. Ĝi estas unu el "kosmaj planlingvoj". Eble la projekto restis nefinita.

Lasonebr

redakti

Lasonebr estas planlingvo proponita de la svedo A. Nilson en 1897, kiu ankaŭ proponis Central Dialekt. Lasonebr estas bazita sur la klasika hebrea lingvo. Ĝi ricevas la bibliotekan klasifikon 417.924 laŭ Biblioteko Butler.

Latalmish

redakti

Latalmish estas planlingvo proponita de Ian Burleson en 2004.

Lingua European

redakti

Lingua European estis planlingvo, fakte volapukido, proponita de la nederlandano Bonto van Bijlevelt en 1898. La aŭtoro, antaŭe volapukisto kaj daŭre volapukologo, en 1903 iĝis adepto de Idiom Neutral kaj ne plu disvastigis siajn konceptojn pri Lingua European.

Vidu ankaŭ aliajn planlingvajn projektojn nomitajn "European".

LinGuNUx

redakti

LinGuNUx (Lux, abrevie) estas planlingvo fare de Christian Isidore Angelliaume (2002). Ŝajne, la lingvo estas publikigita dum GPL permisilo. Ĝi estas lingvo kun mutacio: la "~e" de la substantivo ŝanĝiĝas en la "~o" en la akusativo, kaj "~a" de la adjektivo en "~u". La leter-pivoto estas "i". Ĉiuj radikoj baziĝas unue sur ia io aŭ ŝtato. Aktuale, studo eniras kun uzado de unusilaboj tiamaniere ke la lingvo povas al si esti etimologie unueca, memsufiĉa.

Lingvo internacia

redakti

Lingvo internacia (Lingua InternacionalLingva International) estas projekto de Adam Zakrzewski por "plifortigi" Esperanton. Inspirita de Esperanto en la gramatiko kaj de Nov Latin por la vortprovizo. Ne akceptas ĝermanajn radikojn, nur latinidajn. Plejparto de partoj de diskurso estas neŝanĝeblaj.

Nombroj (1-10): un du tri kar kin ses set ok non dez.

Llegisia

redakti

Llegisia (arkivigita 2006-01-13) estas projekto de planlingvo, tre eble fikcilingvo, proponita de Jim Henry en 1996. Pronomoj estas priskribitaj de aŭtoro kiel pretty cool, "sufiĉe ĉarmaj", li diras ke la verba fleksio estas "ne multe fantazia", ktp. Eble la plej kreiva parto de la lingvo estas la du genroj: aferoj tuŝeblaj kaj netuŝeblaj, kiu memorigas kelkajn indiĝenajn lingvojn, sed ŝajne estas influita de la anglalingvaj klasoj "kalkuleblaj" kaj "nekalkuleblaj". La vortordo estas OVS, la vortprovizo estas apriora.

Maldekan

redakti

Maldekan estas arta lingvo kreita de Karl Jahn en 2000. Interese, la kazoj estas indikataj per prefiksoj:

La projekto ŝajnas nekompleta.

Mineng

redakti

Mineng estas esperantido, proponita en 2004 de usonano, kiu uzas la pseŭdonimojn tli-ze, cyrax kaj ketaen.

Monglingo

redakti

Monglingo au Mongling estas planlingvo proponita de H. Littlewood en 1947. Ekzemplo:

  • Ling et top pi-ken ad ploi il klar top bon.
La lingvo plej facila por lerno estas klare la plej bona.
Bibliografio
  • H. Littlewood: Vers un instruction lingual plu rational (Inst. Occ, Chapelle 1947) 12 pp

MulMonosyllabic Universal Language (unusilaba universala lingvo) estas planlingvo proponita de Mikeheavy, kiu ankaŭ kreis Novesperant. La propono estas iom malneteca. Ĝi estas bazita el ĝermanaj lingvoj.

Ĝiaj principoj estas:

Ĝi havas alternativan alfabeton. Nombroj 1–10: een, du, dree, faar, feef, zek, sef, oot, naan, seen.

Mundial

redakti

Mundial estas projekto de Francisko Valdomiro Lorenz kreita antaŭ 1930 bazita en ideoj de René de Saussure. Oni ne konas pliajn detalojn: ĝi ne estas publikigita ĉar ĝia aŭtoro en 1930 aliĝis al Nov-Esperanto.

Neo-latino

redakti

Neo-latino (ne konfuzu al Neolatino) estas planlingvo proponita de Sven Lundstöm en Milano 1928. Evidente, ĝi estas bazita sur latina lingvo.

Novam estas esperantido proponita kiel internacia planlingvo en Parizo 1928 de idisto G. Touflet. Ĝi havas fortan influon de Novialo. Unuaj versoj de patro nia: Patro nia que es nel sieli, vua nomo santificeveu, vua regno adveneu, vua volo fareveu sur il tero quale nel sielo.

Nove-latina

redakti

Nove latina estas modifita latino proponita de J. van Diemen en 1921.

Novesperant

redakti

Novesperant estas esperantido kreita de Mikeheavy, kiu ankaŭ kreis Mul. Ĝi estis proponita ĉirkaŭ 2000, kaj ŝajne estas malneto. Principoj:

  • la substantivoj ne finiĝas per -o, escepte se neeblas la prononco
  • ne estas kazoj, escepte al pronomoj, se necese
  • la radiko de la verbo indikas la prezenton
  • estas nedefina artikolo E
  • pluralo estas farita per -(o)s
  • adjektivoj ne varias
  • akcento sekvas la francan lingvon
  • sc oni prononcu /ŝ/
  • Ne estas diakritikoj, do ch = /ĉ/
  • "kv" estu anstataŭigita de ku. Kvar estas kuar (kŭar), kvin estas kuin (kŭin).
  • la sufikso -ej- estu antastaŭigita de -esc- /eŝ/
  • j estu anstataŭigita de y, kaj ĝ de j

Ekzempleto:

  • mi ne pov trovi mi automobil.
ji est en la automobilesh.
mi ne povas trovi mian aŭtomobilon.
ĝi estas en la aŭtomobilejo.

Nuvo-Volapük

redakti

Nuvo-Volapük estas volapukido proponita de August Kerckhoffs en 1887. Ĝi estas pli simila al eŭropaj etnolingvoj kaj enkondukis analitikan fleksion kaj firman vortordon. La projekto ricevis la klasifikon 414.2 "1887" KER de Biblioteko Butler.

Nyo'fa

redakti

Nyo'fa estas arta lingvo. Ĝia vortordo estas VSOVOS. La morfologio estas fantazia kaj vortprovizo, apriora. Ekzemploj:

  • kacfq nyo'fa – mi parolas Nyo'faon
  • poss~i flh nulh – vi legas libron hejme
  • cosfl kucfb flh tupt – mia hejmo estas granda

Panlingvo

redakti

Panlingvo estas la nomo de minime du planlingvaj projektoj. Un, Panlingua (Biblioteko Butler: 418 “1938”), estas aposteriora planlingvo proponita de Harve en 1938. La alia Panlingvo estas projekto de modifita latina proponita de Léonard Weber, Lvovo, 1938.

Progresita Angla

redakti

Progresita Angla aŭ Advanced English estas planlingvo proponita de Pascal A. Kramm en 2004. Ĝi estas nur la angla lingvo skribata fonetike per Internacia Fonetika Alfabeto laŭ la moderna prononco de Usono. Ŝajnas esti sen rilato al Baza angla.

Reformita interlingvao

redakti

Adolf Fritzsche proponis, komence de 20-a jarcento, tre modernitan latinon kiel internacia lingvo, bazita sur la interlingua de Giuseppe Peano. Malgraŭ tio, li konservis la gramatikajn genrojn kaj konjugacion bazita sur latinidaj lingvoj. La projekto estis citita en Manifesto de Interlingvao.

Romano (planlingvo)

redakti

Romano aŭ Linguo romane universale estas planlingvo bazita sur latina lingvo proponita de Slonimski en Varsovio 1910. Ĝi estas praformo de Neoromano. Oni diras ke ambaŭ la projektoj estus pastiĉo de Romanal, sed Romanal aperis nur en 1909, sekve, tiu estus malfacila, kvankam ne malebla.

Romanova

redakti

Romanova estas kompromisplanlingvo inter hispana, franca, itala kaj portugala lingvo proponita de David Crandall en 2000.

Rompata Germana

redakti

Rompata Germana (Broken German) estas zona planlingvo proponita de Joshua E. Horn en 2004. Ĝia celo estas funkcii kiel neŭtrala simpligita dialekto inter germanparolantoj.

Silargo

redakti

Silargo Arkivigite je 2007-11-11 per la retarkivo Wayback Machine (Silarg) estas planlingvo proponita de J. P. Mallaroni en 1994[2] por servi de komunikilo al samseksmuloj, gejoj kaj lesboj. Silarg uzas propran alfabeton, iom simila al araba alfabeto. Ĝia prononco kaj gramatiko estas iom malsimpla.

Simpla

redakti

Simpla aŭ Simplalang estas esperantido proponita de Samuel Frederickson en 2002. Ĝi celas esti pli simpla ol Esperanto al parolantoj de angla lingvo. La aŭtoro rezignis la projekton en 2003.

Simpligita Latina lingvo

redakti

SPL aŭ Simpligita Latina lingvo estas planlingvo bazita sur latina lingvo, proponita de usonano Richardius Dominicus (eble plumnomo) en 1982.

Bibliografio
  • Dominicus, Richardius: SPL: an international language based on simplified Latin
(Wisconsin: Dominicus Publishing, 1982. 237 p.)

Simpliigita lingvaĵo

redakti

Simpliigita lingvaĵo (Langage simplifié) estas projekto de apriora lingvo proponita de Thaüst, de Toulon, antaŭ 1889. Ĝi uzas malsimplan alfabeton kun 60 literoj. La vortoj estas unusilabaj, ĉiuj vortoj kun pli ol unu silabo estas kunmetita. La projekto neniam estis eldonita.

Snifferanto

redakti

Snifferanto estas Esperantido kreita en la 22-a de februaro, 2006.

Socceranto

redakti

Socceranto (retpaĝo 1[rompita ligilo], retpaĝo 2) estas projekto de esperantido kreita de argentinano Ignacio Van Gelderen kaj britaj fratoj Ted kaj Peter Freedman en 2006. Sia nomo provenas el la vortoj soccer (angle futbalo) kaj Esperanto. Ili kreis tiun lingvon (ĉefe) por futbalaro (futbalistoj, futbalfavorantoj kaj juĝistoj).

Soundwriting

redakti

Soundwriting (angle: sonskribo) estas planlingvo proponita de Bivins en 1960, bazita sur angla lingvo. Tre eble pli unu provo al simpligo de angla ortografio por servi kiel internacia lingvo.

Spolkaniano

redakti

Spolkaniano aŭ Spolkaans estas arta lingvo kreita de Jânes Omeriy-Mip Seert kreita kun celo ŝajni natura lingvo de fikcilando Spolkanio.

Tepa Arkivigite je 2008-12-20 per la retarkivo Wayback Machine estas arta lingvo kreita de Dirk Elzinga. La vortprovizo estas apriora kaj la gramatiko tre fantazia, sed la ortografio kaj la fonologio estas tro influita de la angla.

Tso Tsolyani

redakti

Tso Tsolyani aŭ "Tsolyáni" estas fikcilingvo kreita de Muhammad Ab-dal-Rahman Barker en 1978. Ĝi estas lingvo de fikcia kulturo, ŝajne uzita kiel fono de rolludo.

Bibliografio
  • Barker, Muhammad Ab-dal-Rahman: The Tsolyani language
(Minneapolis: Barker, 1978; PM 8875.B37)

Tyl-Sjok

redakti

Tyl-Sjok estas moderna apriora lingvo kreita en 2001 de Henrik Theiling, kiu ankaŭ kreis Fukhianon. Ĉiuj radikaj vortoj estas dusilabaj kaj la vortordo estas SVO, ne estas artikoloj aŭ liga verbo (esti). Ekstera ligo: http://www.kunstsprachen.de/s2/

Unesal Interlingu

redakti

Unesal Interlingu estas esperantido proponita de Erich Weferling en 1923. La projekto estas kompromiso inter Esperanto kaj Ido kun influo de Okcidentalo. La aŭtoro lernis Esperanton en 1907 kaj pasis ĵus al Ido en 1909, kaj partoprenis Ido-movadon ĝis 1924. Li ankaŭ proponis Intal.

Ungil estas arta lingvo bazita sur latino. Ĝia vortprovizo estas tre deformita. La vortordo estas VSO. Ekstera ligo: https://web.archive.org/web/20091027102240/http://www.geocities.com/Athens/Acropolis/9219/ungil.html

Universal (Radzeckim)

redakti

Universal estas planlingvo proponita de Zviazku Radzeckim en 1925.

Universal-Latein

redakti

Universal-Latein aŭ Neu-latein estas planlingvo proponita de aŭstra Edward Frandsen en 1902. Kompreneble, ĝi estas bazita sur latina lingvo.

Bibliografio
  • E. Fransen: Grammatik des Universal-Latein (Neu-Latein), Wien: Insel, 1902. 47 p.

Universala lingvo (Labbé)

redakti

Universala lingvo de misiistoj kaj komerciistoj (Lingue universalis missionum et commerciorum) estas internacia planlingvo bazita sur la latina lingvo proponita de jezuita pastro Philippe Labbé (1607-1667), granda humanisto, en 17-a jarcento.

Vidu ankaŭ

redakti

Vikto estas esperantido proponita de hungaro Bősz Vilmos (1949-), el Pécs, en 1981. La nomo 'vikto' fontas el la latina victus, venkita. La lingvo pruntas trajtojn el Esperanto kaj el la latina.

Tekstekzemplo

redakti
Versio en "vikto"
Un granda travivo del vivo mys bat la skoprado de thaumoza mundus la lingvojs. Tia ekmovado habit familia origon: la matera avir mys bat theologia professor, et lokvibat dekokt lingvojn. A ry bat la lingvistik et religio tre grava. Sorre ry non potibat instrui myn germane, hebraee, pole aut angle, nam my bat kvin anna, liam ry mortibat. Mon in la genoj mys my sentit aliep, ut my debiust vadi suren la vio rys.
Esperanta traduko
Granda travivaĵo de l' vivo mia estas la eltrovo de l' mirinda mondo de la lingvoj. Tiu ekmovado havis familian originon: la patrina avo mia estis profesoro de teologio, kaj scipovis dekok lingvojn. Al li, estis la lingvistiko kaj la religio tre gravaj. Malfeliĉe li ne povis instrui al mi la germanan, la hebrean, la polan aŭ la anglan, ĉar mi estis nur kvin-jaraĝa, kiam li mortis. Nur en miaj genoj miaj mi sentis poste, ke mi devus sekvi la vojon lian.

Yil estas arta lingvo. La lingvo estas SVO kaj havas tonojn.

Ekzemploj
  • Liac dau.
Li dormas.
  • Dao nàt dhuc.
Li manĝas viandon.
  • Bui thìl pot níel.
Ŝi donis al mi ion da supo.

Zharranh

redakti

Zharranh (retpaĝo Arkivigite je 2007-12-08 per la retarkivo Wayback Machine) estas apriora arta lingvo farita de Herman Miller. Ĝi havas 6 vokalojn kaj 27 konsonantojn; estas okulfrapa la uzo de Esperanta litero ĵ. Ĝi ne havas ligan verbon (esti).

Zim estas arta lingvo kreita de Stefan Koch en 2000 por rolludo, ĝi havas ian influon de klingona lingvo. Ne estas multaj informoj pri ĝi.

Referencoj

redakti

Vidu ankaŭ

redakti