Universitata Malsanulejo de Gento
malsanulejo en Gento, Belgio
La Universitata Malsanulejo de Gento (nederlande Universitair Ziekenhuis Gent; UZ Gent, proksimuma prononco [universiTE:R ZI:knheŭs Ĥent]) estas unu el la plej grandaj hospitaloj en Belgio. Ĝi estas proksime ligita al la Universitato de Gento: la rektoro de la universitato samtempe estas prezidanto de la hospitalo. Ambaŭ la universitato kaj la hospitalo estas aŭtonomaj unuoj de la Flandra Registaro.
La hospitalo havas pli ol 1 000 litojn kaj ĉirkaŭ 6 000 dungitojn.
La loko de la hospitalo nomiĝas ankaŭ "Campus Heymans", nomita laŭ Nobel-premiito Corneille Heymans.