Universitato de Frankfurto
La Johann Wolfgang Goethe Universitato Frankfurto ĉe Majno – germane Johann Wolfgang Goethe-Universität Frankfurt am Main, ekde 2008 kutime pli koncize nomata Goethe-Universität Frankfurt am Main, neformale Goethe-Uni Frankfurt, en Esperanto ofte mallongigata Universitato de Frankfurto aŭ Frankfurta Universitato - estas la universitato en la urbo Frankfurto ĉe Majno en Germanio (en la dua germania urbo nomata Frankfurto, nome Frankfurto ĉe Odro, ankaŭ estas universitato, kiu tamen havas la specifan nomon Eŭropa Universitato Viadrina). En la vintra semestro 2014/15 la universitato de Frankfurto ĉe Majno havis 46 613 studentojn, kio signifas ke tiumomente temis pri la tria plej granda universitato de Germanio. En ĝi instruas kaj esploras pli ol 600 profesoroj, kaj en 16 fakultatoj ofertatas 170 studfakoj. Kontraste al multaj aliaj altlernejoj de Germanio, kies centraj konstruaĵoj estas en historiaj kasteloj, la frankfurta universitato situas senescepte en modernaj konstruaĵoj, dividataj al kvar universitataj terenoj aŭ "kampusoj". Iom post iom la universitata vivo tamen pli koncentriĝu al centra konstruaĵo en la kvartalo Westend, kiu de 1928 estis la centralo de granda kemia konzerno kaj de 1952 la eŭropa centralo de la usona armeo - la antaŭa kampuso en la kvartalo Bockenheim iom post iom malfondiĝu.
| Universitato de Frankfurto plenforme Johann Wolfgang Goethe Universitato Frankfurto ĉe Majno Johann Wolfgang Goethe-Universität Frankfurt am Main | ||
|---|---|---|
 | ||
| ||
| Informoj | ||
| fondodato | 1912, unuaj prelegoj en 1914 | |
| speco | ŝtata | |
| jara budĝeto | 370 milionoj da € (laŭ la jara raporto 2013) | |
| Situo | ||
| Geografia situo | 50° 7′ 10″ N, 8° 39′ 5″ O (mapo)50.1194444444448.6513888888889Koordinatoj: 50° 7′ 10″ N, 8° 39′ 5″ O (mapo) | |
| urbo | Frankfurto ĉe Majno, Germanio | |
| Estraro | ||
| gvidanto | rektoro Birgitta Wolff | |
| Nombroj | ||
| nombro de studentoj | 46 429 vd (stato: 2015) | |
| nombro de studentoj | 46 613 (vintra semestro 2014/15)[1] | |
| nombro de kunlaborantoj | 3 105 (en aŭtuno 2013, laŭ la jara raporto 2013) | |
| el tio profesoroj | 636 (en aŭtuno 2013, laŭ la jara raporto 2013) | |
| retejo | Oficiala retejo | |
| Listoj | ||
| Membro de: | ||
| • Verein zur Förderung eines Deutschen Forschungsnetzes • Konferenco de Altlernejaj Rektoroj • Germana Altlerneja Sporta Asocio • Asocio de Eŭropaj Universitatoj • Informationsdienst Wissenschaft • Franca-Germana Altlernejo • RIPE Network Coordination Centre • arXiv • German National Research Data Infrastructure vd | ||
| Filioj: | ||
| • Q119140560 vd | ||
| ||
| ||
 Universitato de Frankfurto plenforme Johann Wolfgang Goethe Universitato Frankfurto ĉe Majno Johann Wolfgang Goethe-Universität Frankfurt am Main | ||
Rilatoj al Esperanto Redakti
Multaj esperantistoj studis en la universitato aŭ havis studajn rilatojn al ĝi, kaj la anoj de la universitata Esperanto-grupo ĉiam signife influis la urban Esperanto-movadon (kiu aktivas ekde la jaro 1904, do jam antaŭ la universitata fondiĝo). Ĝis nun tamen ankoraŭ mankas pli specifa listigo de esperantistaj studentoj, profesoroj kaj aliaj sciencaj kunlaborantoj de la universitato. Nur unu el pluraj menciindaj estas la poldevena interlingvistino kaj universitata docentino Alicja Sakaguchi.