Mi uzas alterne la nomojn Silvio Kurtiso (Esperantigita), Silvio Curtis (angla), Silvio Lucío Curtis Güindon (hispana). Mi estas uson-devena kostarikano. Mi magistriĝis, kaj iam estis doktoriĝonta, pri la lingvoj latina kaj malnovgreka. Miaj ĉefaj klopodoj okazas ekster Vikipedio kaj celas respektigi bestajn rajtojn.
Mi scias denaske la anglan; bone Esperanton, la hispanan, la latinan, kaj la malnovgrekan; tradukipove la germanan kaj la francan; kaj malbone la sanskritan. Mi kontribuas ne nur, sed plej ofte kaj plej multe, per tradukado el alilingvaj Vikipedioj; pri io ajn, sed plej ofte pri alispeciaj bestoj.
