Václav Vavřinec Reiner
Václav Vavřinec Reiner (naskiĝis la 8-an de aŭgusto 1689 – mortis la 9-an de oktobro 1743) apartenas al la plej gravaj ĉeĥaj pentristoj de la epoko de kulmina baroko. Kiel nepo de konstruisto kaj filo de skulptisto li havis idealajn kondiĉojn por sukcesa arta kariero.
| Václav Vavřinec Reiner | |
|---|---|
 propra portreto, Nacia galerio en Prago | |
| Persona informo | |
| Naskiĝo | 8-an de aŭgusto 1689 en Prago |
| Morto | 9-an de oktobro 1743 (54-jaraĝa) en Prago |
| Tombo | Preĝejo de sankta Egidio |
| Lingvoj | ĉeĥa • germana |
| Okupo | |
| Okupo | pentristo |
Krom pejzaĝoj, batalbildoj kaj portretoj li kreis eksterordinajn freskojn (li kompletigis per ili precipe arkitekturon de preĝejoj de Kilian Ignaz Dientzenhofer). Inter liaj plej konataj freskoj apartenas monumenta Gigantomachie super ŝtuparo de la palaco de Černín en Prago (nuna sidejo de la Ministerio pri eksterlandaj aferoj) kaj fresko La lasta juĝo en kupolo de la preĝejo de Sankta Francisko, situanta apud la Karola ponto en Prago.
Influite de la verkaro de Petr Brandl kaj aliaj aŭtoroj, lia frua verkaro estas karakterizita per mistera tenebreco, pli poste liaj verkoj pli lumiĝis kaj akiris monumentecon. La lasta periodo jam antaŭsignas la alvenantan rokokon. La freskoj de Reiner influis la tutan postsekvan generacion de ĉeĥaj freskistoj.
Liajn verkojn eblas vidi en Prago, Osek (distrikto Teplice), Duchcov, Dobrá Voda (distrikto České Budějovice) aŭ en la pola Vroclavo.
Elektitaj verkoj redakti
(el la fonduso de Nacia galerio en Prago)
Literaturo redakti
- PREISS, Pavel: Václav Vavřinec Reiner. Praha : Odeon, 1971. 138 s.
- PREISS, Pavel: Václav Vavřinec Reiner, 1689-1743. Catalogue of the Exhibition. Praha: Národní galerie, 1991. 132 p. ISBN 8070350121
