Var (rivero)

	Var
	rivero
	La rivero Var je la nivelo de Nice kaj de Saint-Laurent-du-Var
Lando	Francio
Regiono	Provenco-Alpoj-Bordo Lazura
Departementoj	Alpes-de-Haute-Provence kaj Alpes-Maritimes
	Alfluantoj
- maldekstraj alfluantoj	Cians, Tinée, Vésubie, Roudoule
- dekstraj alfluantoj	Coulomp, Estéron
Urbo	Nice
Fontrivero	Estenc
- situo	Entraunes
- alteco	1 790 m
- koordinatoj	44° 14′ 18″ N 6° 45′ 06″ O / 44.23833 °N, 6.75167 °O (mapo)
Enfluejo	Mediteraneo
- situo	Inter Nice kaj Saint-Laurent-du-Var
- alteco	0 m
- koordinatoj	43° 39′ 17″ N 7° 11′ 58″ O / 43.65472 °N, 7.19944 °O (mapo)
Longo	114 km (71 mi)
Trafluo	Nice
- mezproksima	49,4 m³/s
	Vikimedia Komunejo: Var River

Ĉi tiu artikolo temas pri rivero en la regiono Provenco-Alpoj-Bordo Lazura. Koncerne aliajn signifojn aliru la apartigilon VAR.

Koordinatoj: 43° 39′ 17″ N 7° 11′ 58″ O / 43.65472 °N, 7.19944 °O (mapo)

Var estas marborda rivero en la orienta sudo de Francio enfluanta en Mediteraneo post fluado en la departementoj Alpes-de-Haute-Provence kaj Alpes-Maritimes, en la regiono Provenco-Alpoj-Bordo Lazura. Tiu rivero, kies nomo iris al la apuda departemento, fakte ne fluas sur la departementa teritorio. Ĝis en 1800, proksimume, neniu ponto transpasis ĝin, ĝi estis la limo inter Francio kaj la regno de Sardio.

Geografio

La fonto de Var en Estenc, komunumo Entraunes.

Ĝia fonto ŝprucas en Estenc, domaro de la komunumo Entraunes^[1]. Ĝia fonto situas je alteco de 1 790 metroj^[2], sude de la montpasejo Cayolle (2 326 m) en la departemento Alpes-Maritimes. Ĝia fluado laŭ 114 kilometroj^[3] finiĝas en Mediteraneo inter Nice kaj Saint-Laurent-du-Var^[4].

Okaze de la kreo de la francaj departementoj en 1790, la dekstra bordo estis la orienta limo de la samnoma departemento kaj ĝia maldekstra bordo la limo kun la Regno de Sardio. Tiu landlima rolo malaperis inter 1793 kaj 1814 per la aneksado de la Graflando de Nico, kiu fariĝis tiam la departemento Alpes-Maritimes.

Sur la Triumfa Arko de Parizo aperas la mencio Le Var (batalo de Var) kaj "armeo de Var" memore al batalo de la francaj revoluciaj militoj kaj al la armeo de la Franca Revolucio.

Flankriveroj

Vido al Var en Entrevaux.

La rivero Var ekde la belvedero Carros.

La rivero Var ricevas fluojn de kvin ĉefaj flankriveroj :

maldekstra bordo :
- Cians (25 km) en la nomloko Pont-du-Cians, malsupre de Puget-Théniers,
- Tinée (75 km) en la kanjono Mescla,
- Vésubie (48 km) je la nivelo de Plan-du-Var ;
dekstra bordo :
- Coulomp (20 km) je la ponto de Gueydan, supre de Entrevaux,
- Estéron (66,7 km) je la nivelo de Saint-Martin-du-Var.

Ĝi ricevas multajn duarangajn riverojn : Tuébi (en Guillaumes), Chalvagne (en Entrevaux), Roudoule (en Puget-Théniers).

Hidrologio

Var estas abunda rivereto, kiel ĉiuj riveroj el alpaj regionoj. Ĝia flukvanto estis mezurata dum 34 jaroj (1974-2007), en Nice, ĉe la ponto Napoleono la 3-a tute proksime al ĝia enfluejo en la maron^[5]. La akvokolekta areo de la rivero estas 2 820 km².

La meza flukvanto de la rivero en Nice estas 49,4 m³⋅/s.

Meza monata flukvanto en m³/s
Mezurloko : Y6442010 - Rivero Var en Nice (Ponto Napoleono la 3-a) por akvokolekta areo de 2 820 km²^[5]
(la datumoj dum 35 jaroj de 1974 ĝis 2007)

Fonto : Datumbanko Hydro - Ministerio pri ekologio kaj daŭriva evoluigo

Minimuma rivernivelo

La minimuma rivernivelo povas malaltiĝi ĝis 8,9 m³⋅/s, kaze de seka kvinjara periodo.

Superbordiĝoj

La Superbordiĝoj povas estis tre fortaj. Por ekzemplo, ĉiun duan jaron okazas superbordiĝo kun flurapido de 810 kubaj metroj/s, kaj ĉiun vinan jaron, superbordiĝo de 1 400 m³⋅/s okazas laŭ statistikoj.

Eblas kompari kun la flurapidoj de Sejno en Alfortville^[6], antaŭ la alfluo de rivero Marne : 1 000 m³⋅/s (kontraŭ 1 400 m³⋅/s por Var). Tiel la superbordiĝoj de Var estas multe superaj al tiuj de Sejno ĉe la eniro en Parizo.

Vidu ankaŭ

Var (rivero) en la Vikimedia Komunejo (Multrimedaj datumoj)
Kategorio Var (rivero) en la Vikimedia Komunejo (Multrimedaj datumoj)
Var (rivero) en la Vikivortaro (Universala vortaro)

Eksteraj ligiloj

La vilaĝoj de la Graflando de Nice, La malsupra valo de Var
RDBRMC - Servilo de realtempaj hidrometriaj datumoj de la akvokolekta areo Rodano-Mediteraneo
Teritorio por edukado al daŭriva evoluigo Arkivigite je 2018-12-23 per la retarkivo Wayback Machine : http://www.valleeduvar.fr Arkivigite je 2018-12-23 per la retarkivo Wayback Machine

Notoj kaj referencoj

↑ Fonto de Var per Géoportail.
↑ Géoportail - IGN. Géoportail. Arkivita el la originalo je 2010-12-15. Alirita la 7-an de junio 2012.
↑ Le Var en sandre.eaufrance.fr france
↑ Enfluejo de Var per Géoportail.
↑ ^5,0 ^5,1 Datumbanko Hydro - MEDDE. Sintezo de la datumbanko Hydro - Rivero Var en Nice (Ponto Napoleono la 3-a) (Y6442010). Alirita la 10-an de aprilo 2014.
↑ Datumbanko Hydro - MEDDE. Sintezo de la datumbanko Hydro - (H4340020).

	Portalo pri lagoj kaj riveroj
	Portalo pri Provenco-Alpoj-Bordo Lazura

[1] Fonto de Var per Géoportail.

[geo-2] Géoportail - IGN. Géoportail. Arkivita el la originalo je 2010-12-15. Alirita la 7-an de junio 2012.

[sandre-3] Le Var en sandre.eaufrance.fr france

[4] Enfluejo de Var per Géoportail.

[hydro-5] 5,0 ^5,1 Datumbanko Hydro - MEDDE. Sintezo de la datumbanko Hydro - Rivero Var en Nice (Ponto Napoleono la 3-a) (Y6442010). Alirita la 10-an de aprilo 2014.

[seine-6] Datumbanko Hydro - MEDDE. Sintezo de la datumbanko Hydro - (H4340020).

[1]

[2]

[3]

[4]

[5]

[6]