Virgo (konstelacio)
Por aliaj konceptoj kun la nomo Virgo, vidu apartigan artikolon
| Virgo | |
|---|---|
.svg)
| |
 | |
| |
konstelacio • zodiaka konstelacio • diaĵo | |
| Latina nomo | Virgo (genitiva Virginis) |
| Mallongigo | Vir |
| Imagata bildo | |
Najbaraj Konstelacioj
Bovisto • Berenica Hararo • Leono • Pokalo • Korvo • Hidro • Pesilo • Serpento | |
| Observaj datumoj (Epoko 1875.0) | |
| Rektascensio | 11h 31m 0s ... 15h 5m 0s |
| Deklinacio | -22° 0' 0" ... 15° 0' 0" |
| Areo | 1294 kvadrataj gradoj |
| Rango laŭ la areo | 2 |
| Enhavo | |
| Kvanto de steloj de videbla magnitudo < 3 | 3 |
| Videbla magnitudo de la plej hela stelo | 1,0 |
| Videbleco | |
| Latitudoj de almenaŭ parta videbleco | -90° ... 90° |
| Latitudoj de plena videbleco | -75° ... 68° |
| Tempo de jaro de la plej bona videbleco | Majo |
| Historio | |
| Unua priskribo fare de | Ptolemeo |
| Jaro de unua priskribo | |
| Verko, en kiu ĝi estis priskribita | |
| Postaj ŝanĝoj | |
Virgo aŭ Virgulino (latine Virgo) estas konstelacio de la tera ĉielo. Ĝi situas en la zodiako inter la Leono kaj la Pesilo.
Ĝi estas unu el la plej grandaj konstelacioj de la ĉielo.
Steloj
redaktiLa plej videbla stelo en Virgo estas Spiko (Spica) (α Vir), unu el la plej facile videblaj steloj en la ĉielo, daŭrigante la vojon el Granda Ursino al stelo Arkturo en la Bovisto.
Aliaj steloj estas β Vir (Zavijah), γ Vir (Porrima), δ Vir (Auva) kaj ε Vir (Vindemiatrix).
Mitologio
redakti
Laŭ la helena mitologio[1] Demeter tenere amis sian filinon Persefono. Sed iun tagon, la junulino malaperis. Demeter serĉis ŝin tra la tuta Olimpo dum naŭ tagoj. La dekan tagon, ŝi renkontis Helioson . Li rakontis al ŝi tion, kion li vidis: Hadeso forrabis Persefonon por ke ŝi fariĝu lia edzino en la Infero.
Demeter decidis venĝi ŝin. Ŝi foriris el Olimpo kaj venis en la homan mondon. Ŝi alivestis sin kiel maljuna virino. La reĝo Keleo, en Eleŭzisio, apud Ateno, dungis ŝin por varti siajn infanojn. Dumtempe, la plantoj ne plu kreskis. La homoj malsatis, kaj plendis al la dioj pro tiu katastrofo. Zeŭso petis Hadeson, ke li bonvolu redoni Persefonon. Sed la problemo estis, ke ŝi manĝis kelkajn semojn de granato en la mondo de la mortintoj. Pro tio ŝi ne plu povis reveni en la mondon de la vivantoj. Tamen Zeŭso konsentis, ke dum naŭ monatoj, ŝi vivu en la mondo de la vivantoj kaj dum tri monatoj en la Inferoj.
Tuj, kiam Demeter revidis sian filinon, floroj kaj plantoj elkreskis el la grundo, en nova printempo. Tiel oni komprenas la ritmon de la sezonoj. Kiam Persefono reiras en la Inferojn, Demeter funebras, kaj vintro aperas.
En la nokta ĉielo brilas Demeter. Kiel konstelacio, ŝi nomiĝas Virgo. Ŝi situas sub la Bovisto kaj la Berenica Hararo, proksime al la Korvo. Ŝi portas garbon de tritiko en sia brako.
Astronomio
redaktiLaŭ Okcidenta astrologio, Virgo estas zodiaka signo por naskitoj inter la 23-a de aŭgusto kaj la 22-a de septembro.[2] Fakte, la Suno troviĝas en ĉi tiu konstelacio inter la 16-a de septembro kaj la 30-a de oktobro.[3]
Referencoj
redakti- ↑ Mythologies du Monde entier (Mitologioj de la Tuta Mondo), eld. France Loisirs 1993
- ↑ Virgo Definition & Meaning. Alirita 2022-12-01 .
- ↑ Constellations of the zodiac. Arkivita el la originalo je 2012-10-23. Alirita 2011-01-26 .