Virgulino de la Karitato
La Virgulino de la Karitato de El Cobre (en la hispana Virgen de la Caridad del Cobre) estas konsiderata kiel la Sankta Patronino kaj Reĝino de la kuba nacio.
| Virgulino de la Karitato | |
|---|---|
| |
| titolo de Maria • diaĵo | |
| Informoj | |
| Originala nomo | Nuestra Señora de la Caridad del Cobre |
Laŭ la historiaj raportoj, la bildo aperis en 1612 aŭ komence de 1613, en la Golfeto de Nipe, la plej granda de Kubo, situanta en la norda marbordo de la orienta regiono de la insulo. Ĝi estis vidata de tri sklavoj: 10jara nigrulo (Juan Moreno) kaj du fratoj (aborigenoj): (Juan kaj Rodrigo de Hoyos), kiuj laboris kiel sklavoj en la kuprominejoj de la regiono. La triopo restis en la kuba tradicio kiel "la tri Johanoj".
En rakonto kiu konserviĝas en la Ĝenerala Arkivo de Indioj (Sevilo), rakontata sub eklezia ĵurado 75 jarojn post la okazintaĵo, la sklavo Juan Moreno rakontis kiel aperis la bildo. La junuloj (sklavoj) iris je la serĉado de salo, kaj ekvidis la bildon de la Virgulino kun la Infano Jesuo en ŝiaj brakoj — la sama kiu hodiaŭ estas kultata de la kubanoj — kiu alproksimiĝis al ili flosante sur ligno kie legeblis la frazon "Yo soy la Virgen de la Caridad" (Mi estas la Virgulino de la Karitato).
La unua sanktejo estis improvize konstruita, el lignaĵo kaj arbfolioj. Post multaj misteraj okazintaĵoj ĉirkaŭ la virgulino, la bildo estis portita al tiu kiu estos ĝia definitiva sanktejo, proksime de la sanktejo estas la kuprominejoj (Cobre en la hispana, de tie ĝia longa nomo del Cobre).
Vidu ankaŭ redakti
Eksteraj ligiloj redakti
- Virgen de la Caridad del Cobre - Oficiala Hejmpaĝo de la Arkidiocezo de Santiago de Cuba Arkivigite je 2019-08-14 per la retarkivo Wayback Machine
- Dokumento de la Archivos de Indias de Sevilla Arkivigite je 2009-05-11 per la retarkivo Wayback Machine
- Historiaj datoj pri la kultado kal la Virgulino de la Karitato en Kubo kaj ekster la insulo Arkivigite je 2007-10-08 per la retarkivo Wayback Machine
- Stanislavo Belov (2017-09-17) El Cobre kaj Santa Ifigenia (esperante). Blogger. Arkivita el la originalo je 2017-09-17. Alirita 2017-09-17. (raporto pri vizito al la katedralo El Cobre en 2016)