Vladislav Hasala
Vladislav "Vláďa" HASALA (naskiĝinta 25. 5.1951 – mortis 25.11.2020) estis ĉeĥa esperantisto, kelnero, kuiristo kaj entreprenisto, eksa komitatano de ĈEA, SAT-ano, motoro de la Esperanto-movado en Strážnice (AEST 1991, 67-a SAT-Kongreso 1994), filatelisto, peranto de E-gazetaro en Ĉeĥio.
| Vladislav Hasala | |
|---|---|
| Persona informo | |
| Naskiĝo | 25-an de majo 1951 en Kyjov |
| Morto | 25-an de novembro 2020 (69-jaraĝa) |
| Lingvoj | Esperanto |
| Ŝtataneco | Ĉeĥio • Ĉeĥoslovakio |
| Okupo | |
| Okupo | esperantisto |
Li estis entuziasma filatelisto kaj gvidis Esperanto-sekcion ĉe Asocio de Ĉeĥaj Filatelistoj kaj iaman sekcion de kolektantoj ĉe Ĉeĥa Esperanto-Asocio. En la fondojaro de ĈEA 1969 li fariĝis estrarano de junulara sekcio, inter la jaroj 1991-1998 li estis estrarano de ĈEA. Ankaŭ lia filino Andrea estas esperantistino, ekde 2019 estraranino de ĈEA.
