Wildfowl and Wetlands Trust
La Wildfowl & Wetlands Trust (Trusto por Akvobirdoj kaj Humidejoj, WWT) estas bonfara organizo por konservado de akvobirdoj kaj humidejoj en Britio. Ties patrono estas la reĝino Elizabeto la 2-a.
| Wildfowl and Wetlands Trust | ||
|---|---|---|
| ||
| karitata organizaĵo • eldonejo de malfermita aliro | ||
| Komenco | 1946 vd | |
| Lando(j) | Unuiĝinta Reĝlando (Britio) vd | |
| Sidejo | WWT Slimbridge | |
| Fondinto(j) | Peter Scott vd | |
| Retejo | Oficiala retejo | |
| Jura formo | karitata organizaĵo | |
Ĝi estis fondita en 1946 de la ornitologo kaj artisto Sir Peter Scott, dekomence kiel la Severn Wildfowl Trust. Ĝi havas ĉirkaŭ 200,000 membrojn kaj 9 rezervejojn kun centroj por vizitantoj, kune kovrante ĉirkaŭ 20 km² kio subtenas ĉirkaŭ 150,000 birdojn kaj ricevas ĉirkaŭ unu milionon da vizitantojn jare.
Tiuj lokoj inkludas 7 SSSI (lokoj de Speciala Scienca Intereso), 5 SPA (Protektita birda areo) kaj 5 ramsarejojn.
- WWT Arundel, West Sussex
- WWT Caerlaverock, Dumfries kaj Galloway, Skotlando (la ununura centro kun loĝejoj)
- WWT Castle Espie, County Down, Norda Irlando
- WWT London Wetlands Centre
- WWT National Wetlands Centre, Carmarthenshire, Kimrio
- WWT Martin Mere, Lancashire
- WWT Slimbridge, Gloucestershire
- WWT Washington, Tyne and Wear
- WWT Welney, Cambridgeshire
WWT funkcias ankaŭ kiel konsultista entrepreno nome WWT Consulting kiu havigas al eksteraj klientoj per kompleta gamo de servoj pri humidejoj. Tio inkludas: ekologian konsilaron; habitatajn dezajnon kaj administradon; planadon kaj dezajnon de centroj por vizitantoj; kaj sistemojn de traktado de humidejoj.