Wilmington (Norda Karolino)

Wilmington estas grandurbo en Usono, en subŝtato Norda Karolino, en Kantono New Hanover. Ĝi estas grava havenurbo kaj administrejo de la kantono. Wilmington estis nomita pri Spencer Compton, grafo de Wilmington.

Situo de Wilmington en Norda Karolino

Enhavo

1 Bazaj informoj
2 Geografio
3 Historio
4 Ekonomio
5 Trafiko
6 Edukado
7 Klimato
8 Vidindaĵoj
9 Famuloj
10 Ĝemelurboj
11 Fontoj

Bazaj informojRedakti

Koordinatoj: 34°13′N 77°54′U / 34.217°N, 77.9°U / 34.217; -77.9 (Wilmington (Norda Karolino))Koordinatoj: 34°13′N 77°54′U / 34.217°N, 77.9°U / 34.217; -77.9 (Wilmington (Norda Karolino))
Areo: 107 km²
Loĝantaro: 106.476 (en 2010)
Supermara alteco: 9 m
Horzono: UTC-5h (en somero UTC-4h )
Poŝtkodoj: 28401-28412
Telefonkodoj: 910

Aerfoto de Wilmington

GeografioRedakti

Wilmington situas sur la marborda ebenaĵo ĉe enfluejo de rivero al Atlantiko en la orienta landparto de Usono, en la suda parto de Norda Karolino.

HistorioRedakti

Wilmington fondiĝis en 1739. Tiutempe sklavoj hakis la arbojn en la ĉirkaŭaĵo. Dum la Usona Enlanda Milito en 1865 la norda armeo okupis la havenon kaj urbon. En 1898 blankuloj atakis redaktejon de afrikanoj, krome aliloke murdis homojn afrikanajn. Dum la 2-a mondmilito en Wilmington produktis armeajn ŝipojn.

EkonomioRedakti

En Wilmington oni ĉefe okupiĝas pri elektraj, medicinaj, elektronikaj industrioj, krome estas vestaĵo- kaj nutraĵo-prilaboroj. Ankaŭ la turismo kaj filmoproduktadoj estas menciindaj.

TrafikoRedakti

Wilmington havas internacian flughavenon. Aŭtoŝoseo kuras al Raleigh, trajno kuras al Charlotte. En la urbego aŭtobusoj liveras la pasaĝerojn. Estas ĉiutaga busservo al Raleigh.

Panoramo en Wilmington

Vojo en Wilmington

EdukadoRedakti

Wilmington estas hejmo de la Universitato de Norda Karolino ĉe Wilmington.^[1]

KlimatoRedakti

Wilmington situas en humida subtropika zono. La temperaturo averaĝe varias inter 12-23 °C. La varmo kulminas en julio ofte kun 32 °C, la malvarmo kulminas en januaro kun rekordo 2 °C (malofte frostas kaj neĝas). Jare pluvas po 1450 mm. En ĉiuj monatoj pluvas. La pluvo kulminas en septembro.