Winikon-Gschwader
Winikon-Gschwader (prononcu vinikon-gŝvadr; en la alemana lingvo: Winikä-Gschwadär) estas kvartalo kaj iama civila komunumo de la komunumo kaj urbo Uster en la Distrikto Uster, Kantono Zuriko, Svislando. Ĝi havis proksimume 3650 loĝantojn je la 31-a de decembro 2013.
| Winikon-Gschwader | |
|---|---|
 | |
| Blazono de Winikon-Gschwader | |
_032.JPG) | |
| Winikon | |
| Kantono | Zuriko |
| Komunumo(j) | Uster |
| Koordinatoj | 47° 21′ 40″ N 8° 43′ 0″ O / 47.36111 °N, 8.71667 °O (mapo)Koordinatoj: 47° 21′ 40″ N 8° 43′ 0″ O / 47.36111 °N, 8.71667 °O (mapo) |
| Nombro de loĝantoj | ĉirkaŭ 3650 |
| Areo | ĉ. 2,5 km² |
| Alteco | 473 m super marnivelo |
| Poŝtkodo | 8610 |
.jpg) | |
| Situa mapo de Winikon-Gschwader | |
Geografio redakti
Winikon-Gschwader situas en nordokcidento de la urbo Uster. Ĝi konsistas el la vilaĝo Winikon kaj la kvartalo Gschwader, kie situas la beslerneja centro Gschwader. Oriente de Winikon-Gschwader etendiĝas la marĉo kaj naturrezervejo, kiu ĝis disigis de Werrikon. Norde de Winnikon-Gschwader situas la vilaĝo Freudwil kaj okcidente kaj sude de ĝi Kirchuster, la centro de la urbo.
Blazono redakti
La blazono montras flavan grapolon sur ruĝa ŝildo. Ĝi estas simbolo de la vitokulturado, kiun en la loko jam dum mezepoko faris la alemanoj. La unua bildo de la blazono datiĝas el la sezonlibro de Uster de la jaro 1473 sub la sezonindiko de la 7-a de decembro de la vinikonano Bertscfhi Büntzli, kiu en la jaro 1472 por sia sezono faris pian fondumon favore al la preĝejo.[1]
Trafiko redakti
En nordokcidento de Winikon situas la alveturejo Uster-Nordo al la svisa aŭtovojo A53. Tra la kvartalo pasas la kantona ĉefvojo al Vinterturo. Al la publika transportreto la kvartalo estas konektita pere de la lokaj buslinioj 725 kaj 811.
Vidindaĵoj redakti
Vidinda estas la iama guberniejoj Winikon kun la sunoriltureto en la centro de la vilaĝeto Winikon. Ĝi estas klasigita kiel konstrua monumento de regiona signifo.
Infrastrukturo redakti
En Winikon-Gschwader situas la bazlerneja centro Gschwader. En nordokcidento de Winikon troviĝas la sportcentro kun la futbalplaco kaj la halbanejo Uster, kiu famiĝis pro la tragika akicento la 9-an de majo 1985, kiam la tegmento disfalis kaj mortis 15 homoj.[2] En sudo de la kvartalo troviĝas la supermerkato Aldi.
Historio redakti
La unua dokumenta mencio de Winikon datiĝas el la jaro 1325 en listo de la feŭdoj de la grafoj de Habsburgo al Rapperswil.[3] Apud la aŭtovojalveturejo kamparano trovis en la jaro 1914 tombon el la La-Tène-epoko el la 3-a jarcento antaŭ Kristo kun multe da valoraj ornamaĵoj. En la jaro 1926 Winikon-Gschwader estis integrita al la nova politika komunumo Uster.[4]
Bildoj redakti
-
La iama ustera guberniejo Winikon -
Bazlerneja centro Gschwader -
Vilaĝa puto de Winikon
_044.JPG)
_050.JPG)
_041.JPG)
Notoj kaj referencoj redakti
- ↑ Fabrice Burlet: Die Wappen von Uster (La blazonoj de Uster), Stadtarchiv & Kläui Bilbiothek, p. 10. Arkivita el la originalo je 2016-03-04. Alirita 2014-05-22.
- ↑ Vidu atropedia.net. Arkivita el la originalo je 2014-05-12. Alirita 2014-05-11.
- ↑ Historia kronologio en la retejo de la urbo Uster. Arkivita el la originalo je 2014-05-12. Alirita 2014-05-11.
- ↑ Teksto pri la historio en la retejo de la Kvartalasoccio Winikon-Gschwader
Eksteraj ligiloj redakti
- Vidu ankaŭ en la Vikimedia Komunejo la kategorion Winikon-Gschwader – (Kolekto de bildoj kaj plurmediaj dosieroj)