Ádám Farkas (skulptisto)

Ádám Farkas [farkaŝ], laŭ hungarlingve kutima nomordo Farkas Ádám estas hungara skulptisto, profesoro.

Ádám Farkas
Persona informo
Naskiĝo	21-an de novembro 1944 (1944-11-21) (79-jaraĝa) en Budapeŝto
Ŝtataneco	Hungario
Okupo
Okupo	artisto • skulptisto

Memormonumento de Ádám Farkas en Recsk, kie funkciis gulago en la frua socialismo

Palpebla verko de Ádám Farkas en Eger por blinduloj

Ádám Farkas [1] naskiĝis la 21-an de novembro 1944 en Budapeŝto.

Biografio

Ádám Farkas frekventis industriartan mezlernejon inter 1961–1964 en sia naskiĝurbo, poste li akiris diplomon en Hungara Belarta Altlernejo en 1968. Li lernis ĉefe de Sándor Mikus. En la sekva jaro li plulernis en Parizo. Hejmenveninta li komencis krei skulptaĵojn. Aparte menciindas diversaj skulptaĵetoj por blinduloj. Ekde 1990 li komencis instrui en la menciita altlernejo (jam universitato), post 2 jaroj li estis nomumita katedrestro. Inter 2002 kaj 2005 li estis rektoro. Li ricevis premiojn ekde 1979, en 2016 ankaŭ premion Kossuth.

Liaj elektitaj solaj ekspozicioj

• 1968, 1972, 1982, 1993, 2004, 2006 • Szentendre
• 1973, 1978, 1993, 2002 • Budapeŝto
• 1983 • Bazelo
• 1992 • Antverpeno

Liaj elektitaj komunaj ekspozicioj

• 1969 • Bulonjo-ĉe-Maro
• 1978 • Parizo
• 1979-1997 • Pécs
• 1987 • Munkeno
• 2006, 2009 • Szentendre

Liaj elektitaj skulptaĵoj

• Szentendrei Köszöntőszobor (1973-80), pentrita betono
• A Föld Ereje (1987-89), kalkŝtona fontano, Budapeŝto
• Emlékmű (1991) - vidu la foton (Recsk)
• Dekoratív gobelin (1969); Parizo - gobelino
• Köszöntőszobor (1980); Szentendre, pentrita betono
• Fehér oszlop (1994), Balatonboglár, marmoro

Elektitaj disĉiploj

• Apolka Erős
• András Kontur
• Márk Lelkes

Fontoj

• hungarlingva biografio Arkivigite je 2016-03-24 per la retarkivo Wayback Machine