Ĉandrapur

Ĉandrapur, laŭ marate मराठी estas urbego, ankaŭ municipo en meza Barato, en subŝtato Maharaŝtro, kie ĝi estas la sidejo de la samnoma distrikto. La loknomo signifas marate "urbo de la luno". Pro la proksimaj karbominejoj la alia nomo estas "nigra oro-urbo."

Ĉandrapur
urbo
Administrado
Poŝtkodo	442401
En TTT	Oficiala retejo [+]
Demografio
Geografio
Geografia situo	19° 57′ N, 79° 18′ O (mapo)19.9579.3 [+]
Alto	188 m [+]
Areo	56,4 km² (5 640 ha) [+]
Horzono	UTC+05:30 [+]
Ĉandrapur (Maharaŝtro) DEC Ĉandrapur Situo de Ĉandrapur
Ĉandrapur (Barato) DEC Ĉandrapur Situo de Ĉandrapur
Alia projekto
Vikimedia Komunejo Chandrapur [+]

Aerfoto pri Ĉandrapur

Geografio

Ĉandrapur troviĝas sur montetaro en alteco de 190 metrojn super la marnivelo ĉe kunfluejo de 2 malgrandaj riveroj. La urbego deklivas de nordo al sudo. La areo estas riĉa je karboj. Hingangat troviĝas 81, Adilabad 86, Javatmal 132, Ramagundam 134, Nagpuro 135, Gondija 191, Varangal 225, Rajpuro 283, subŝtata ĉefurbo Mumbajo 688, Kolkato 983 tutlanda ĉefurbo Delhio 987 kilometrojn (aere) [1].

Demografio

Laŭ la censo en 2011 Ĉandrapur havis populacion de 355 739.

Historio

En tiu loko reĝo fondis urbon en la 13-a jarcento, eĉ iom poste ĝi estis sidejo de reĝlando konata ankaŭ kiel Ĉandagar aŭ pli simple Ĉanda. Dum la historio ofte okazis inundoj, sed en la modernaj tempoj digo kun akvorezervujo kaj akvoenergia centralo estis konstruita. La nuna loknomo estas ekde 1964, la nuna statuso estas D-grada municipo.

Ekonomio

Ĉandrapur estas centro de karbominado. En 2012 funkciis 27 minejoj ĉirkaŭ Ĉandrapur. Aliaj industrioj inkludas cementofabrikon, paperproduktadon, kaj feralojproduktadon.

Religioj

La ĉefa religio en Ĉandrapur estas en 2012 la hinduismo (72%), krome ekzistas budhismo (16%), islamo (10%), kristanismo, ĝajnismo kaj sikismo malpli ol 1%.

Lingvoj

La ĉefa (oficiala) lingvo en Ĉandrapur estas la marata. La minoritataj lingvoj estas la hinda, la angla kaj indiĝena.

Politeknika altlernejo

Edukado

Mezlernejo estis establita en 1906. La altlernejoj de Ĉandrapur estis aligitaj al Gondvana Universitato.

Trafiko

Al Ĉandrapur kuras 3 fervojaj linioj kaj 4 ĉefvojoj. Enurbe 4 stacidomoj funkcias. La loka flughaveno funkcias tre proksime, la internacia en Nagpur.

Klimato

Pordego en Ĉandrapur

Ĉandrapur havas tropikan klimaton (Aw) kun musono. La averaĝa pluvo jare estas 1248 mm. En ĉiuj monatoj pluvas, sed pli ofte inter junio-oktobro pro la musono. La temperaturo varias inter 21-34 °C.

Vidindaĵoj

• pluraj preĝejoj
• fortikaĵo
• statuo
• Nacia Parko Tadoba en la distrikto

Fontoj

• WikiTrans

• 
  Stacidomo
• 
  Konstruata ponto
• 
  Templo
• 
  Kirko
• 
  Statuo