Cabezuela del Valle
Cabezuela del Valle estas municipo de Hispanio, en la provinco de Cáceres, regiono de Ekstremaduro.
| Cabezuela del Valle | |||
|---|---|---|---|
 | |||
| municipo en Hispanio • urbeto | |||
|
|
| ||
| Flago | Blazono | ||
| Administrado | |||
| Poŝtkodo | 10610 | ||
| En TTT | Oficiala retejo [+] | ||
| Demografio | |||
| Loĝantaro | 2 149 (2023) [+] | ||
| Loĝdenso | 38 loĝ./km² | ||
| Geografio | |||
| Geografia situo | 40° 12′ N, 5° 48′ U (mapo)40.1926501975-5.80640598221Koordinatoj: 40° 12′ N, 5° 48′ U (mapo) [+] | ||
| Alto | 515 m [+] | ||
| Areo | 57 km² (5 700 ha) [+] | ||
| Horzono | UTC+01:00 [+] | ||
| |||
| |||
| |||
|
| |||
| Alia projekto | |||
 Vikimedia Komunejo Cabezuela del Valle [+]
| |||
La loĝantoj nomiĝas cabezueleños. La censita populacio en 2008 estis de 2.148 loĝantoj.
Situo redakti
Cabezuela del Valle estas situa en la norda parto de Ekstremaduro en la centro de la komarko aŭ distrikto Valo de Jerte, je altitudo de 515 m; je 119 km de Cáceres, provinca ĉefurbo kaj je 179 km de Mérida, la regiona ĉefurbo. La surfaco de ties teritorio estas de 57 km². La vilaĝo estas bone komunikata tra la Montopasejo de Honduras kun Hervás kaj laŭ la nacia ŝoseo 110 kun Plasencia de unu flanko kaj de la provinco de Ávila (Kastilio-Leono) aliflanke. Ĝi estas trapasata de la rivero Jerte.
Priskribo redakti
- La historia kerno malobeas la linian strukturon de la aliaj vilaĝoj de la valo, kaj prezentas triangulan formon ĉirkaŭ monteto. Estas tre malnovaj domoj, multaj kun blazonoj. En la placo estas larĝaj portikoj kiuj utilas por surstrata merkato kaj por ŝirmiĝi el akraj vintroj. De tie la vilaĝo etendis malsupren al la rivero Jerte.
- La preĝejo de Sankta Mikaelo estis konstruita sur la loko de la juda sinagogo (en la valo estis relative multaj judoj ĝis la fino de la 15a jarcento) kaj montras belegan barokan orumitan retablon de la 17a jarcento.
- Estas ankaŭ barokaj ermitejoj de la 18a jarcento, kiel tiu de la patronino: nome Virgulino de Peñas Albas (Blankaj Rokoj). Elstaras la retablo, la volbaj pentraĵoj kaj la skulptaĵo de la Virgulino. La ekstera arkitekturo estas senornama.
Ekonomio redakti
Agrikulturo kaj brutobredado. Turismo.
Festoj redakti
Ege popularas la kristanaj festoj eble pro historia neceso forgesigi la judan pasintecon.
- 25a de marto: Nuestra Señora de Peñas Albas.
- Noktomezo de la Sankta Sabato: Sankta Renkontiĝo kaj Bruligo de Judaso.
- 25a de julio: Santiago Apostolo.
- 26a de julio: Sankta Ana.
- 8a de septembro: Gregomerkato.
Eksteraj ligiloj redakti
- Municipo de Cabezuela del Valle Arkivigite je 2011-06-23 per la retarkivo Wayback Machine
- Pri la Bruligo de Judaso. Francisco Vicente CALLE CALLE, Judas Iscariote: vida, leyendas, iconografía, "La Quema", www.bubok.com, 2009.