Codos

Codos [KOdos] estas municipo de Hispanio, en la sudoriento de la komarko Comunidad de Calatayud kies ĉefurbo estas Calatayud, en la sudo de la Provinco Zaragozo (regiono Aragono).

Codos
municipo en Hispanio
Flago	Blazono
Administrado
Poŝtkodo	50326
Demografio
Loĝantaro	228  (2023) [+]
Loĝdenso	4 loĝ./km²
Geografio
Geografia situo	41° 18′ N, 1° 22′ U (mapo)41.2935148-1.374515 [+]
Alto	751 m [+]
Areo	62,688539 km² ( 626 8.8 539 ha) [+]
Codos (Provinco Zaragozo) DEC Codos Situo de Codos
Codos (Hispanio) DEC Codos Situo de Codos
Alia projekto
Vikimedia Komunejo Codos [+]

Geografio

Codos estas municipa teritorio en la sudoriento de la komarko Comunidad de Calatayud, kie ĝi estas inter Tobed norde kaj Miedes de Aragón sudokcidente.

La loĝloko Codos mem estas je 66 km sudokcidente de Zaragozo, provinca kaj regiona ĉefurbo, sur 751 msm en la Iberia Sistemo, sur la valo de la rivero Gríos kiu fakte ekfluas en la municipa teritorio. Krome estas la pli mallonga Güeimil [gŭejMIL], sed gravas tie la fonto Güeimil.

Ĝi estas alirebla laŭ la ŝoseo A-1505. La plej proksima loĝloko estas Tobed norde; krome estas Miedes de Aragón sudokcidente kaj Aguarón nordoriente.

Historio

Mudeĥara krucmonumento.

Alfonso la 1-a definitive konkeris la areon en 1120 post la konkero de Tarazona kaj Calatayud. Ĝi apartenis al la Komunumo de Domaroj de Calatayud.

Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Codos kie oni malaltiĝis ĝis nunaj 237 loĝantoj en 2021. Evidente elmigrado ĝenerale foriris al industriaj aŭ pli viglaj areoj kiel Zaragozo, kaj Calatayud.

Aktualo

Tradicia bazo de ekonomio estis agrikulturo (cerealoj, ĉerizarboj kaj persikarboj), kaj brutobredado (kortobirdoj, ŝafoj kaj porkoj) kaj sekva nutrindustrio (ĉefe vinproduktado). Nune gravas ankaŭ natura, kultura kaj rura turismo.

Ĉefaj altiraĵoj estas la preĝejo kun mudeĥara sonorilturo, kaj naturaj lokoj ĉefe ĉe la rivero.

Vidu ankaŭ

• Municipoj de la provinco Zaragozo