La llave
La llave: Novela (La ŝlosilo, novelo) estas verko de la hispana verkisto Ramón J. Sender, publikigita en 1960, en sia epoko de la ekzilo de la aŭtoro en Amerikon.[1]
| La llave | |
|---|---|
| |
| Aŭtoroj | |
| Lingvoj | |
| Eldonado | |
Ĝi estas kompilaĵo kiu konsistas el tri noveloj, kiuj estis publikigitaj ankaŭ en aliaj kompilaĵoj aŭ aparte, ekzemple en La llave y otras narraciones (1967).
Intrigo redakti
- "La llave" (La ŝlosilo). En malhela domaĉo Avelino kaj Rosenda kverelas por la posedo de la ŝlosilo de la mon-kofreto. En kelo la idioto Fau kunvivas kun papago sur vimena manekeno.
- "La hija del doctor Velasco" (La filino de la doktoro V). Freneziĝinta kuracisto deziras "revivigi" sian mortintan filinon kaj konservas ŝian kadavron en vitra skatolego. Kuracistoj rakontas tion al kardinalo dum aristokratara kunsido. La konservita infanino estas la pureco, la malo al la vivo.
- "La fotografía de aniversario" (La datrevena foto). Geedzoj venas al fotografia studio kaj pozas por ke oni faru de ili datrevenan foton. Dume la edzo cerbumas ĵaluze pri rilato de la edzino al iu konatulo.
Analizo redakti
Ĉiuj rakontoj estas nerealismaj, montras malhelajn, malbonaŭgurajn etosojn kaj kelkajn strangegajn rolulojn: idioto Fau kiu loĝas en kel kun papago, kuracisto kiu konservas la kadavron de sia filino, kaj geedzoj kiuj kverelas dum fotopozo.
Referencoj redakti
- ↑ Ramón J. Sender, La llave, Alfa, 196o; Elizabeth Espadas, A lo largo de una escritura. Ramón J. Sender. Guía bibliográfica. Instituto de Estudios Altoaragoneses, Huesca, 2002. ISBN = 84-8127-126-8 p. 38.
Bibliografio redakti
- Elizabeth Espadas, A lo largo de una escritura. Ramón J. Sender. Guía bibliográfica. Instituto de Estudios Altoaragoneses, Huesca, 2002. ISBN = 84-8127-126-8
Eksteraj ligiloj redakti
- Verkoj de Ramón J. Sender en Instituto de Estudios Altoaragoneses