Paul Ehrlich

Paul EHRLICH [paŭl eliĥ] (naskiĝis la 14-an de marto 1854 en Strehlen; mortis la 20-an de aŭgusto 1915 en Bad Homburg) estis germana kemiisto, medicinisto kaj serumologo.

Paul Ehrlich
Nobel-premiito
Persona informo
Paul Ehrlich
Naskiĝo	14-an de marto 1854 (1854-03-14) en Strzelin,  Reĝlando Prusio
Morto	20-an de aŭgusto 1915 (1915-08-20) (61-jaraĝa) en Bad Homburg,  Germana Imperiestra Regno
Mortis pro	naturaj kialoj vd
Mortis per	apopleksio vd
Tombo	Old Jewish Cemetery vd
Lingvoj	germana vd
Ŝtataneco	Reĝlando Prusio • Germana Imperiestra Regno vd
Alma mater	Maria-Magdalenen-Gymnasium • Universitato Rostock • Universitato de Lepsiko • Universitato de Vroclavo • Universitato de Strasburgo • Universitato Alberto Ludoviko de Frajburgo vd
Subskribo
Familio
Edz(in)o	Hedwig Pinkus vd
Profesio
Okupo	biologo • imunologo • inventisto • kuracisto • universitata instruisto • kemiisto • farmakologo vd
Laborkampo	imunologio • bakteriologio • kemio • kemiterapio vd
Aktiva en	Freiburg • Berlino • Göttingen • Frankfurto ĉe Majno vd
Doktoreca konsilisto	Karl Weigert • Robert Koch vd
Honorigoj Honorigoj Nobel-premio pri fiziologio aŭ medicino • Maksimiliano-Ordeno • Liebig Medal • Croonian Medal and Lecture • eksterlanda ano de la Reĝa Societo • Cameron Prize of the University of Edinburgh vd
Membrecoj Membrecoj Reĝa Societo de Londono • Reĝa Sveda Akademio de Sciencoj • Nacia Akademio de la Linkoj • Akademio Nacia de Medicino • Akademio Reĝa de Medicino de Belgio • Usona Nacia Akademio de Sciencoj • Accademia delle Scienze di Torino vd
vd	Fonto: Vikidatumoj

Paul Ehrlich studis medicinon en Breslau, Strasburgo, Freiburg kaj Lepsiko, kie li en la jaro 1878 doktoriĝis. En 1887 li habilitiĝis en Berlino. Ekde 1891 li kune kun Robert Koch laboris en nov-fondita instituto pri infektaj malsanoj kaj en 1896 li fariĝis direktoro de instituto pri seruma esplorado en Steglitz apud Berlino. Tri jarojn poste la instituto translokiĝis al Frankfurto ĉe Majno. Paul Ehrlich tie koncentriĝis al la esloroj pri kancero kaj kemioterapio. En 1904 li fariĝis profesoro en Göttingen.

En la jaro 1908 li kune kun la rusa bakterilogo Ilja Meĉnikov gajnis la Premion Nobel de Fiziologio aŭ Medicino. Kune kun sia asistanto HATA Sahachiro li en 1909 evoluigis la Salvarsanon: t.e. kemioterapiaĵo, kiu efikis kontraŭ sifiliso kaj aliaj danĝeraj malsanoj. Ekde 1914 li okupis profesoran postenon en Frankfurto.

En la jaro 1940 la vivo de Paul Ehrlich fariĝis temo de la usona filmo Dr. Ehrlich's Magic Bullet (reĝisoro: William Dieterle, titolrolo: Edward G. Robinson).

Gimnazio Sankta Maria Magdalena en Vroclavo, kie li studis.