Mörigen
|
Por samtitola artikolo vidu la paĝon Mörigen (stacidomo). |
Mörigen estis ĝis la 31-a de decembro 2009 komunumo de la distrikto Nidau kaj ekde la 1-a de januaro 2010 komunumo de la administra distrikto Bielo en Kantono Berno, Svislando. Ĝi havis 877 loĝantojn je la 31-a de decembro 2010.
| Mörigen | |
|---|---|
 | |
| Blazono de Mörigen | |
_282.JPG) | |
| Mörigen | |
| komunumo en Svislando | |
| Kantono | Berno |
| Administra distrikto | Bielo |
| Malnova distrikto ĝis 2009 | Nidau |
| Koordinatoj | 47° 5′ 7″ N 7° 12′ 48″ O / 47.08528 °N, 7.21333 °O (mapo)Koordinatoj: 47° 5′ 7″ N 7° 12′ 48″ O / 47.08528 °N, 7.21333 °O (mapo) |
|
| |
| Nombro de loĝantoj | 877 |
| Areo | 2,16 km² |
| Alteco | 491 m super marnivelo |
| Poŝtkodo | 2572 |
| Komunumkodo | 0742 |
 | |
| Mapo de Mörigen | |
Geografio
redaktiMörigen situas ĉe la sudorienta bordo de la Lago de Bielo, proksimume 13 kilometrojn sudokcidente de la urbo Bielo, ĉe la okcidenta limo de ties aglomeraĵo. La komunumo konsistas el la partoj Oberdorf, Unterdorf, Hole kaj Usserdorf.[1]
La teritorio de la komunumo etendiĝas sur areo de 2,16 km², de kiuj 16,7% estas kovritaj de arbaro, 59,3% servas por agrikulturo kaj 21,3% por setlado. [2]
Najbaraj komunumoj
redaktiLa komunumo Mörigen limas en nordo al Sutz-Lattrigen, en oriento al Hermrigen, en sudo al Epsach, en sudokcidento al Täuffelen, kaj en nordokcicento al la Lago de Bielo.
Lingvoj
redaktiLa ĉefa kaj oficiala lingvo de la komunumo estas la germana lingvo, kiun okaze de la popolnombrado de 2010 parolis 92,6% de la loĝantaro. Ekzistas franclingva malplimulto, al kiu en 2010 apartenis 6,1% de la loĝantaro.
Trafiko
redaktiLa komunumo situas ĉe la kantona vojo n-ro 237.1. La plej proksima alveturejo al la svisa aŭtovojo A6 situas proksimume 12 kilometrojn oriente ĉe la limo inter Bielo kaj Brügg. Per la tramlinio de Nidau al Ins la komunumo estas konektita al la publika transportreto. Estas jam decidita projekto de longigo de la tramlinio al la stacidomo de Bielo kaj pluen en 2016.
Historio
redaktiLa unua dokumenta mencio de Mörigen datiĝas el la jaro 1196 kiel Moringen. En la jaro 1843 apud la strando de Mörigen de la arkeologo Albert Jahn estis malkovrita riĉa trovejo el la bronzepoko.[3] Dum mezepoko Mörigen apartenis al la Insulgovio de la Grafejo de Nidau, kiu en la jaro 1382 fariĝis havaĵo de Friburgo kaj en 1398 de la urbo Berno.[4]
Notoj kaj referencoj
redakti- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Felix Müller: Mörigen - la bronzepoko trovejo en Historia Leksikono de Svislando
- ↑ Fonto: Anne-Marie Dubler: Mörigen - de la romia epoko ĝis nuntempo en Historia Leksikono de Svislando
Vidu ankaŭ
redaktiEksteraj ligiloj
redakti- Vidu ankaŭ en la Vikimedia Komunejo la kategorion Mörigen – (Kolekto de bildoj kaj plurmediaj dosieroj)
Bildoj
redakti-
Bronzepokaj lunkornoj trovitaj en Mörigen -
Kvartala strato supre de la tramhaltejo -
_292.JPG)
_273.JPG)