Wilhelm Lehmbruck
Wilhelm LEHMBRUCK (4-a de Januaro 1881 en Meiderich, Duisburgo - 25-a de Marto 1919 en Berlino) estis germana skulptisto kaj grafikisto.
| Wilhelm Lehmbruck | |
|---|---|
| |
| Persona informo | |
| Naskiĝo | 4-an de januaro 1881 en Duisburg |
| Morto | 25-an de marto 1919 (38-jaraĝa) en Berlino |
| Lingvoj | germana |
| Ŝtataneco | Germana Imperiestra Regno |
| Alma mater | Kunstakademie Düsseldorf |
| Familio | |
| Infano | Manfred Lehmbruck |
| Okupo | |
| Okupo | skulptisto • pentristo • grafikartisto • ilustristo • desegnisto |
Vivo kaj verkaro redakti
Li estis la kvara filo de familio de ministoj. Post studi en bazlerneja Volksschule ĝis la morto de sia patro en 1899, li studis, rekomendita de lia instruisto, en la lernejo de aplikartoj de Düsseldorf. Li vivtenis sin per ilustrado de malmultekostaj libroj kaj per laboro en dekoracio. En 1901 li ekfaris mezlernejajn studojn en la Kunstakademie Düsseldorf nome Studium, kie li aingis magistriĝon sub regado de la profesoro Karl Janssen.
En 1906, finiginte siajn studojn, li asociiĝis al unio de artistoj de Düsseldorf kaj al la Société Nationale des Beaux-Arts de Parizo, kiu organizis grandan ekspozicion en 1907 en kiu la verkaro de Lehmbruck estis prezentita al internacia publiko por la unua fojo.
.jpg)
En 1908 li geedziĝis kun Anita Kaufmann kaj unu jaron poste naskiĝis lia filo Gustav. Kun helpo de la artokolektisto Nolden li translokiĝis en 1910 al Parós, kie li ekspoziciis. Tie li konis Picasso kaj aliajn artistojn. Li ekspoziciis en Berlino, Kolonjo kaj Munkeno. En 1913 naskiĝis en Parizo lia dua filo, Manfred Lehmbruck. En 1913 lia verkaro ekkoniĝis en Usono, post kio li ekspoziciis en Novjorko, Bostono kaj Ĉikago. Unu jaron poste organiziĝis granda ekspozicio en la galerio Paul Lavesque de Parizo, kiu estis dediĉita ekskluzive al lia verkaro.
En 1914 li estis ekskludita el la armeo kaj sendita al milithospitalo de Berlino. Dum la milito li plue disvolvigis siajn kapablojn. Tiuj jaroj estis konsiderataj la pinto de sia kariero.
,_cast_stone,_plaster,_176_x_138_x_70_cm_(69.2_x_54.5_x_27.5_in),_Armory_Show_postcard.jpg)
Pro la krueleco de la milito kaj metita en profunda deprimo, Lehmbruck fuĝis en 1916 al Zuriko kaj muntis atelieron. Post la fino de la milito li retranslokiĝis al Berlino, kie li estis elektita ano de la Akademie der Künste. En la 21-a de Marto 1919, tuŝita de grava deprimo, li memmortigis sin. Lia verkaro estas ekspoziciata en la Lehmbruck-Museum, konstruita de lia filo Manfred Lehmbruck, fama arkitekto.
Verkaro redakti
La skulptaĵoj de Lehmbruck temas ĉefe pri la homa korpo kaj estas influitaj kaj de la naturalismo kaj de la ekspresionismo. Liaj ĉefaj skulptaĵoj montris agonion kaj mizeron, kaj ne aperas klare vizaĝajn trajtojn.
Galerio redakti
-
Schlaf (1907) -
Stehende weibliche Figur (1910) -
Weiblicher Torso (Torso der Großen Stehenden) (1910) -
Kniende (1911) -
Kniende (ĉirkaŭ 1911 - Bronzo) -
Maskla nuda modelo en Metropolitan Museum of Art (1912) -
Große Sinnende (1913) -
Emporsteigender Jüngling (1913) -
Der Gestürzte (1915/16) -
Porträtkopf Fritz von Unruh (1918) -
Interno de Villa Tugendhat kun skulptaĵo de Wilhelm Lehmbruck (fone, maldekstre)
Bibliografio redakti
- August Hoff. Wilhelm Lehmbruck, Berlin: Klinkhardt & Biermann, 1933 (German).
- Werner Hofmann, Wilhelm Lehmbruck. London: Zwemmer 1958
- August Hoff, Wilhelm Lehmbruck: life and work. New York: Praeger 1969
- Reinhold Heller (eld.), The art of Wilhelm Lehmbruck, Washington, National Gallery of Art, 1972
- Marion Bornscheuer; Raimund Stecker (eds.); Kneeling woman 100 years. Wilhelm Lehmbruck with Matisse, Brancusi, Debussy, Archipenko, Rodin, Nijinsky in Paris 1911. Lehmbruck Museum Duisburg. Cologne: DuMont Buchverlag, 2011, (ISBN 978-3-83219-427-7)
- Hans-Peter Wipplinger (eld.); Wilhelm Lehmbruck. Retrospektive/Retrospective. Leopold Museum Vienna, Cologne: Walther König 2016, (ISBN 978-3-86335-902-7)
Eksteraj ligiloj redakti
- Internet Archive Wilhelm Lehmbruck
- Lehmbruck Museum en Duisburg