Diskuto:Terminaro De Goo

Ĉu ni povus diskuti la nomojn de la paĝoj antaŭ krei ilin? Mi pensas ke Goo - Ŝtonoj pli bonus ol GoŜtonoj. Se ni havas pli ol unu vorto, ni certe volas havi spacojn en la titolo. --Chuck SMITH

Mi bedaŭras, sed mi komprenas nenion. Certe temas pri iu teĥnika vidpunkto kiun mi ne sukcesas trafi. Ĉu mi eble elspezis troajn spacojn ie? Ĉu "goŜtonoj" ne estas pli mallonga ol "Goo - Ŝtonoj"? Kial do estas tiel grava la skribmaniero de tiu parto situanta antaŭ la "|" se leganto ne vidos ĝin? Mi decidis uzi pseŭdoprefiksojn (go- + Ŝtono = goŜtono) por diferencigi la vorton "ŝtono" ĉi tie rilatita al pecoj uzataj en Goo, de alia "ŝtono" uzata en artikolo pri mineraloj, ekzemple. Mi supozis ke tiu ĉi agmaniero validas kaj ke farante tion mi estigis neniun problemon. Nu, mi ne preferas tiun aŭ tiun alian nomon por la arĥivoj. Egalas al mi. Simple diru al mi la korektan sintakson skribendan kaj mi sekvos ĝin. Nu, mi pli longe kaj zorge esploros la tekxnikajn sugestojn aperigitajn en tiuj ĉi paĝoj. Eble tie miaj multaj duboj estos solvitaj. --Del Castillo

Nu, mi komencas kompreni... Rigardinte viajn ŝanĝojn ĉe la goaj paĝoj mi konkludas ke mi tute miskomprenis. Mi pardonpetas. La legebla de leganto titolo ĉe ligilo, ne estos la titolo de la paĝo mem. Mi erare supozis ke tio, kio antaŭis "|" nenie videbliĝos ĉar estis simpla arĥiva nomo. --Del Castillo