Internacia Agrikultura Salono de Parizo
La Internacia Agrikultura Salono de Parizo (france Salon international de l'agriculture, SIA) estas foiro okazigata ĉiujare en Parizo ĉe Paris Expo Porte de Versailles, kutime dum la unua semajno de marto. Ĝi estas la plej grava agrikultura ekspozicio en Francio. Ĝi estas ĉefe celata al ĝenerala publiko. Ĉiun duan jaron, la Internacia Salono de Agrikultura Teknologio (france Salon international du machinisme agricole) okazas samtempe en la ekspoziciejo Paris-Nord en Villepinte, celata al la profesia publiko en la kampo de agrikultura maŝinaro kaj loĝado de farmbestoj.
.jpg)
Historio redakti
La unua ekspozicio okazis en 1964. Tiu foiro sekvis la Ĝeneralan Agrikulturan Konkurson (france Concours général agricole) establitan en 1870, kiu daŭre estas okazigata hodiaŭ kiel parto de la foiro.
En 2006, la ekspozicio okazis sen ĉeesto de kokoj pro ekapero de birda gripo.
En 2007, la ekspozicia areo pligrandiĝis ĝis 138 000 m² kun 1 120 ekspoziciantoj kaj 3 800 bestoj. Rusio, Japanio kaj Sirio estis unuafoje inter la 80 landoj de eksterlando.
En 2008, la ekspozicio estis vizitita fare de 608 372 vizitantoj kaj 1 017 ekspoziciantoj, el kiuj 200 venis de eksterlando.