Jaroslav Hladký

Jaroslav Hladký (vivis en la unua duono de la 20-a jarcento) estis ĉeĥa esperantisto.

Kvankam li ne postlasis sian biografion kun la vivdatoj, li tamen tre aktivis en la movado kaj ankaŭ lia literatura agado estas sufiĉe ampleksa.

En januaro 1931 li fariĝis komitatano de nova Regiona Esperantista Ligo, kiu en junio samjare ŝanĝiĝis je Regiona Ligo Silezia kaj J. Hladký iĝis ĝia sekretario. Dum la kunvenoj li ofte laŭtlegis el siaj tradukoj. Tiuj aperadis en la revuo Ligilo en Prostějov.

Tradukoj

• Jan Vrba: Homo de dio (Olomouc, MEP, 1936)
• Jan Neruda: Li estis fripono (Ĉeĥoslovaka antologio 1935)
• Vladimír Stiegler: Perla koliero (Ligilo 2/1931)
• František Sokol-Tůma: Vintro en montaro (el romano „Valašská světnice“, Ligilo 3/1931)
• Vilém Mrštík: El „Fabelo de la majo“ (Ligilo 5/1931)
• Julius Zeyer: Amo sub itala suno (el „Jan Maria Plojhar“, Ligilo 7-8/1931)
• Alois Jirásek: Adiaŭo kaj foriro de Machovec en fremdlandon (Ligilo 10/1931)
• Tomáš Garrigue Masaryk: Ĝendarmoj serĉas vin ... (Ligilo 3/1932)
• Leo Vladyka: Timegulo (Ligilo 4/1932)
• K. Beista: Ora panjo (Ligilo 1933)
• Eda Cenek: Fantomo en ŝakto (Ligilo 1933)
• Jaroslav Hubálek: Oktobro (Ligilo 1933)
• Vlada Kantor: Brulanta tombo (Ligilo 1934)
• F. Skácelík: Maljunulino (Ligilo 1934)
• Josef Čapek: La printempo (Ligilo 1935)

Recenzoj

Pri Homo de Dio

„ Ni kore rekomendas ĉi tiun libron, kaj gratulas la eldonistojn pri ĝia aperigo. Ĝi rakontas pri junulo Jordan Valeŝ, kiu perdis la aŭdkapablon sed ne la esperon, kaj malgraŭ malfacilaĵoj kaj amaraj spertoj retenis la animfortecon; frontis la estontecon kun kuraĝo kaj fido; “amante, amate,” sin trovis publika bonfaranto ; kaj mortis feliĉa pro ago heroa. ” — La Brita Esperantisto - Numero 380, Decembro (1936)

Propraj artikoloj

• Kristnaska noktomezo (Ligilo 12/1931)
• Plantado de memor-arbo en Český Těšín (Ligilo 9/1932)
• Nia brava regiono (Ligilo 1934)
• Regiona Esper. Ligo dum la lastaj tri monatoj (Ligilo 1935)
• Regiona Esperantista Ligo (Ligilo 1935)