Josef Murĵan

Josef MURĴAN, hebree יוסף מורז׳אן, aliaj transskriboj Yosef Murz'an aŭ Josef Murjzan (naskiĝis en 1920 en Pollando; mortis la 31-an de januaro 2004 en Bat-Jam (Israelo)) estis israela esperantisto, delegito kaj fakdelegito de Universala Esperanto-Asocio (UEA) de 1979-2001 kaj Esperanto-vortaristo.

Josef Murĵan
Persona informo
Naskiĝo	30-an de novembro 1919 (1919-11-30)
Morto	31-an de januaro 2004 (2004-01-31) (84-jaraĝa)
Lingvoj	Esperanto • hebrea vd
Ŝtataneco	Israelo vd
Profesio
Okupo	esperantisto vortaristo vd
Postenoj Postenoj komitatano de UEA vd
Membrecoj Membrecoj Esperanto-Ligo en Israelo Universala Esperanto-Asocio vd
vd	Fonto: Vikidatumoj

Dum la dua mondmilito, forkuris oriente al Rusio, kaj post la milito revenis Pollande. En 1957 enmigritis Israelen. en Israelo li laboris kiel teknikisto en la granda konstruadfirmeo de la Histadrut 'Solel Bone'.

Murĵan lernis Esperanton en 1937 kaj instruadis ĝin en multegaj kursoj. En Esperanto-Ligo en Israelo li aktivis kiel komitatano, redaktoro de la revuo Nia Ligilo kaj membro de la Loka Kongresa Komitato (LKK) de la 85-a Universala Kongreso (UK) en 2000 en Tel-Avivo.

Li iniciatis, kompilis kaj redaktis plurajn Esperanto-eldonaĵojn, inter ili Antologio de Hebrea poezio (1987). Murĵan prilaboris ambaŭ direktojn de vortaro hebrea-Esperanta-hebrea, nome Praktika vortaro hebrea-Esperanta (1989) kaj Plena vortaro Esperanta-hebrea (2000).

Verkoj

• 1977: Nova praktika vortaro Hebrea-Esperanta. Tel Aviv: J. Murĵan, 1977. 161, [1] p. — 13x11 cm. ĉirkaŭ 9.000 kapvortoj. Hebrea → Esperanto
• 2000: Plena vortaro Esperanta-hebrea. Tel-Aviv: Josef Murĵan, 2000. 170 (340), 8 p. — 25 cm. ĉirkaŭ 10.000 kapvortoj. Esperanto → hebrea