Kuŝvagono
En trajno, kuŝvagono[1] estas vagono, en kiu iom da kuŝado eblas.
Priskribo redakti
La kuŝvagono estas dividita en 8–10 dividaĵoj. Ĉiu dividaĵo havas plurajn kuŝejojn, kiuj estas ofte faldeblaj kaj ankaŭ funkcias kiel sidejoj dum la tago.
Ofte, la trajna servo provizas la envagoniĝintojn per kusenoj kaj aliaj litaĵoj. Kuŝantoj en kuŝvagono ne ĝuas privatecon, kaj kuŝvagonoj ne estas apartigitaj laŭ sekso, malsimile al pli komfortaj litvagonoj.
Uzo en diversaj landoj redakti
Kuŝvagonoj estas popularaj en Eŭropo kaj en eks-Sovetiaj landoj. En Britio, tamen, kuŝvagonoj estas maloftaj.
Ekde la 1990-aj jaroj, kuŝvagonoj kaj litvagonoj iĝis malpli ofte uzataj pro la haveblo de rapidaj dumtagaj trajnoj kaj la malmultekostiĝo de mallongdistanca aviado.