Malfermi la ĉefan menuon
Vintra vidaĵo de la norda vizaĝo de la monto Abantos ekde Collado Mediano.

La Monto Abantos estas monto de la Gvadarama Montaro en la Centra Sistemo de Hispanio, montarĉeno kiu trakuras de oriento al okcidento en la centro de la Iberia duoninsulo. Ĝi ĉefe troviĝas en la municipo San Lorenzo de El Escorial en la Madrida Regiono kaj kun parto de ĝia okcidenta flanko en la Provinco Avilo, Kastilio kaj Leono, Hispanio. Ĝia alteco estas 1.753 metroj. La norda deklivo de la monto troviĝas en la valo de Cuelgamuros.