Roma monarkio

La Roma monarkio (tempo de la Romaj reĝoj) estis la tempo de antikva Romo antaŭ la Roma respubliko, laŭtradicie inter la datoj 753 a.K. (fondiĝo de Romo) kaj 509 a.K. (revolucio kaj komenco de la respubliko).

La tradicio asertas ke regis laŭvice sep reĝoj:

• Romulo, la fondinto de Romo,
• Numa Pompilio,
• Tulo Hostilio,
• Anko Marcio,
• Tarkvino la maljuna, la unua Etruska reĝo,
• Servio Tulio,
• kaj Tarkvino la Superba, tia tirano ke estiĝis revolucio.

Regis reĝo, kiu havis almenaŭ teorie absolutajn povojn. Sed ekzistis (teorie nur konsila) asembleo de familiestroj, la Roma senato, kaj la reĝo verŝajne nur malfacile povis kontraŭi la konsilojn de tiu. Krome ekzistis la kuriaj komicioj, popola asembleo kun rajtoj pri testamentoj kaj adoptoj.

Vidu ankaŭ

• Historio de Romo
• Roma respubliko

Literaturo

• Rougé, Jean: Les institutions romaines. De la Rome royale à la Rome chrétienne, Armand Colin, 1969 (1991) ISBN 2-200-32201-1 , p. 9 - 16