Malfermi la ĉefan menuon

Sidilo de Filipo la 2-a

Dosiero:La silla de Felipe II (14683898810).jpgg
Vidaĵo de unu el la surŝtonaj skulpitaj sidiloj de la Sidilo de Filipo la 2-a.

La Sidilo de Filipo la 2-a estas rokoza tereno kie troviĝas ĉizita ŝtono el granito kaj diversaj platformoj kiel ŝtuparo kaj aliaj elementoj kiuj, laŭ la tradicio, estis la rigardejo de la monarko dum la konstruado de la Monaĥejo de San Lorenzo del Escorial. Tamen, novaj esploroj indikas ke ĝi aŭ havas antaŭromian originon aŭ estas historiisma rekreaĵo el la 19a jc.

Ĝi troviĝas en la municipo San Lorenzo de El Escorial, en la nordokcidenta ekstremo de la Madrida Regiono (Hispanio).

HistorioRedakti

La tradicio rakontas ke tiu ĉi estis la loko de kie la reĝo Filipo la 2-a (Hispanio) rigardis la konstruaĵon de la Monaĥejo, kies konstruado daŭris de 1563 ĝis 1584. Laŭ tiu ĉi propono, la ŝtupigitaj platformoj kiuj aperas sur la ŝtono kaj la kvar sidiloj situantaj en la norda flanko estis konstruigitaj de la reĝo por faciligi sian restadon kaj de la akompanantoj.