Jutlanda regionismo: Malsamoj inter versioj

Historie, [[Danio]] konsistis el tri partoj: [[Jutlando]], [[Sjælland]] kaj la aliaj insuloj, [[Skanio]]. Ĉiu iam havis proprajn dialekton kaj kulturon. Pro sia centreco, [[Kopenhago]] de Sjælland iĝis ĉefurbo kaj la tiea dialekto iĝis la oficiala [[Dana lingvo|Dana]]. Post la [[Skania Milito]] kaj rezulta perdo de Skanio al [[Svedio]] en [[1658]], ankaŭ perdiĝis la ĝistiama "ekvilibro" ĉirkaŭ la ĉefurbo. Sekve, Jutlando ektroviĝis en iu "duonranga" stato ene de la Dana regno, kaj certagrade ankoraŭ restas tia, laŭ kelkaj jutlandanoj. En Jutlando estas plej da aŭtoŝoseoj, en Jutlando la ĉefurba registaro volis konstrui atomenergian stacion dum la 1970-oj. Jutlando produktas pli da agrikulturaĵoj ol iu alia parto de Danio, sed tamen multe el la impostoj iras rekte al Kopenhago. Tial kelkaj homoj revadis pri plia regiona potenco - ne temas pri naciismo, ĉar kvankam ankoraŭ restas parolantoj de Jutaj dialektoj, la plejmulto de la jutlandanoj sentas sin Dana. Kelkaj jutlandanoj algluis sur siajn aŭtojn ŝildeton "J" kun Jutlanda mapo, anstataŭ la ordinara la ordinara "DK", sed tio estas kutime ŝerce farita.

 

----