Internacia vorto: Malsamoj inter versioj

La vorto ''kafo'' originis el la [[araba]] ''qahwa'' kaj ''ĉokolado'' el la [[aztekoj|azteka]] ([[naŭatla lingvo|naŭatla]]) ''ĉikolatl'', formita el ''ĉikol'' ’kirlil’ (per kiu oni preparis ĉokoladan trinkaĵon) + ''a'' ’akv’ + ''tl'' ’o’<ref>Karen Dakin, Søren Wichmann (2000) “CACAO AND CHOCOLATE A Uto-Aztecan perspective“ Ancient Mesoamerica, 11, 55–75.</ref>. Vortoj kun [i] en la unua silabo verŝajne disvastiĝis unue en Eŭropo kaj daŭre ekzistas en diversaj [[latinidaj lingvoj|latinidaj dialektoj]] kaj lingvetoj kaj ankaŭ en la [[turka]]. Verŝajne nur poste disvastiĝis pere de la [[hispana]] la formo ''chocolate''.

 

 

Por novaj [[medikamento]]j nuntempe ofte estas proponataj kaj leĝe protektita [[varnomo]] kaj ĝenerallingva nomo, ekzemple ''sildenafilcitrato'' por ''[[viagro]]''. Estas ofta fenomeno, ke [[varnomo]] por populara produkto perdas sian statuson. Tio ekzemple okazis kun la vorto ''[[aspirin]]o'', kiu enkondukiĝis kiel [[varnomo]] de [[Bayer AG]] en 1899, sed kiu nuntempe uziĝas kiel ĝenerallingva nomo por ĉiu samspeca preparaĵo preskaŭ en la tuta mondo, ankaŭ en [[Ĉinio]]. Nur en [[Svedio]] la vorto retenis sian karakteron de varnomo. Se la fabrikanto ne gravas, la svedoj devas diri “acetylsalicylsyrepreparat”.

La [[islama civilizo]] estas forte ligata al [[islamo]], kiu ne nur proponas kredsistemon sed ankaŭ socian ordon. La sankta libro de la islamanoj, la [[Korano]], estas verkita en la [[araba]] kaj kutimas esti recitata en tiu lingvo ankaŭ fare de kredantoj kies lingvo estas alia. Laŭ tiu vojo kaj pere de islamanaj regnoj kaj la longdistanca aktivado de [[araboj|arabaj]] komercistoj disvastiĝis vortoj arabdevenaj tra la tuta kulturkomunumo. Poste ankaŭ la [[persa]] kontribuis grave kiel fonto kaj peranto de pruntvortoj, ĉefe pro ĝia kvincentjardaŭra oficiala kaj prestiĝa statuso en norda [[Hindio]]. Laŭ lingva vidpunkto, la norda duono de [[Hindio]] ([[Pakistano]], norda [[Barato]], [[Bangladeŝo]]) apartenas kaj al la islama kaj al la hinda kulturkomunumo. La [[araba alfabeto]] antaŭe estis uzata tra la tuta islama kulturkomunumo, sed nuntempe pluraj el la lingvoj islamcivilizaj ([[turka]], [[svahila]], [[malaja lingvo|malaja]]/[[indonezia lingvo|indonezia]]) skribiĝas per la [[latina alfabeto]].

 

=== La hinda ===