La Revuo (periodaĵo): Malsamoj inter versioj

[[Kategorio:Esperanto-gazetoj]] [[Kategorio:Enciklopedio de Esperanto]]

[[Kategorio:Enciklopedio de Esperanto L]]

'''''La Revuo''''' tute ne okupiĝis pri diskutoj, sed rigardis Esperanton fakto, kiel [[Carlo Bourlet]] skribis en la unua numero: "''Por ni Esperanto estas fakto kaj ni uzas ĝin kia ĝi estas.''". La gazeto aperis dum 8 plenaj jaroj en sume 96 numeroj en formato B/5 kun entute 6144 paĝoj. Ĉiu jarkolekto havis 12 kajerojn kun po 48 paĝoj da literaturo (tio estis dum 8 jaroj 4032 paĝoj entute) kaj 16 paĝoj da informoj de societoj, diversaj sciigoj kaj anoncoj. Sur la unuaj 4-22 paĝoj ''La Revuo'' havis nur verkojn, tradukojn, kongresparoladojn ktp. de ZAMENHOF kaj sur la ceteraj verkojn de la plej bonaj E-tradukistoj kaj -verkistoj. ZAMENHOF fine, post morto de La Esperantisto en [[1895]] havis denove gazeton, en kiu li povis publikigi siajn modelajn tradukojn el la [[Biblio]] kaj de diversaj verkistoj (Gogol, Schiller, Andersen, Goethe, Orzeszko, Molière). Inter la kunlaborantoj estis la plej bonaj verkistoj: [[Kabe]], [[Antoni Grabowski|Grabowski]], [[Hector Hodler|Hodler]], Lambert, Bicknelt, Valienne, Kabanov, [[Émile Boirac|Boirac]], [[Edmond Privat|Privat]], Ŝidlovskaja, [[Marie Hankel|Hankel]], De Menil, Inglada, Aymonier, Noel, Rust, Čejka, Pillath, Simon, Dalmau, ktp. La redakcio de ''La Revuo'' havis grandajn meritojn instigante la Esperanto-verkistojn ankaŭ per ĉiujara Literatura Konkurso. (La uzitan artikolon de E.d.E skribis P. TARNOW.)