Grandbeka kanbirdo: Malsamoj inter versioj

La '''Grandbeka kanbirdo''' (''Acrocephalus orinus'') estas [[birdo]] de la genro ''[[Acrocephalus]]'' aŭ kanbirdoj kiuj estas brunecaj birdoj kiuj loĝas en kareksejoj kaj apartenas al la [[familio (biologio)|familio]] de [[Akrocefaledoj]], sed iam estis inkludataj en la grupo de [[Silviedoj]]. Tiu specio estis difinita kiel "la malplej konata birdo en la mondo".<ref>[http://www.birdlife.org/news/news/2007/03/acrocephalus_orinus_rediscovery.html informo de BirdLife]</ref> Ĝi estis konata el ununura specimeno kolektata en Barato en 1867 kaj remalkovrita en naturo en [[Tajlando]] en 2006. La identeco de la birdo kaptata en Tajlando estis certigita pere de kongruo de sekvencoj de [[DNA]] elprenitaj el ties [[plumo]]j; tiu birdo estis poste liberigita. Post la malkovro en naturo, dua specimeno estis malkovrita iinter specimenoj de ''[[Acrocephalus dumetorum]]'' en la kolektoj de la ''Natural History Museum'' ĉe [[Tring]].<ref>[http://www.birdlife.org/news/pr/2007/03/acrocephalus_orinus_rediscovered.html Birdlife International] Konsultita en amrto de 2007</ref>

 

Tiu specio havas la supran plumaron kaj videblajn partojn de flugiloj kaj vosto olivbrunajn dum la subaj partoj estas helkremokoloraj kun subflugiloj kaj akselplumoj pli palaj; la gorĝo estas blanka kaj ankaŭ videblas blanka okulringo ĉirkaŭ malhelbruna iriso en helbruna vizaĝo, dum la krono estas pli bruna.

 

La specimenoj el Afganio kaj [[Kazaĥio]] sugestas, ke ili reproduktiĝas en Centra Azio kaj plumoŝanĝado indikas, ke ili migras laŭlonge de [[Himalajo]] por vintrumi en norda Barato kaj [[Sudorienta Azio]]. Oni supozas stabilan aŭ malpliiĝantan populacion.<ref>Svensson, L., Prŷs-Jones, R., Rasmussen, P.C., Olsson, U. 2008 Discovery of ten new specimens of large-billed reed warbler Acrocephalus orinus, and new insights into its distributional range. Journal of Avian Biology 39 (6):605-610</ref>

 

Tiu specio estis unuafoje kolektita de [[Allan Octavian Hume]] en la [[Valo Sutlej]] ĉe [[Rampuro]], [[Himaĉal-Pradeŝo]], [[Barato]] la 13an de novembro [[1867]]. Tiu specimeno (registro ĉe BMNH no. 1886.7.8. 1742) estis dekomence provizore priskribita kiel ''Phyllopneuste macrorhyncha'' ([[Allan Octavian Hume|Hume]], 1869<ref>Hume, A. 1869. Ibis 2 (5): 355–357 (no title).</ref>) sed la nomo estis ŝanĝata post du jaroj al ''Acrocephalus macrorhynchus'' (Hume, 1871). [[Harry Church Oberholser|H C Oberholser]] tamen konstatis en 1905 ke tio neakcepteblas ĉar specimeno el [[Egiptio]] priskribita de von Müller en 1853 kiel ''Calamoherpe macrorhyncha'' rezultis ''Acrocephalus stentoreus''; tiele la nomo ''Acrocephalus macrorhynchus'' estis abandonata favore de ''A. orinus''. La identeco de la specio estis dubinda kaj ĝis [[2002]] estis konsiderata sinonimo de [[Stentora kanbirdo]] (''Acrocephalus stentoreus'').<ref>Grimmett, R., Inskipp, C. & Inskipp, T. 1998. Birds of the Indian Subcontinent. London: A. & C. Black.</ref> Aliaj fakuloj konsideris ĝin kiel mutacia [[Arbedokanbirdo]]. Ĵusa revizio de la morfologio<ref>Vaurie, C. (1955) Systematic Notes on Palearctic Birds. No. 18:Supplementary Notes on Corvidae, Timaliinae, Alaudidae, Sylviinae, Hirundinidae, and Turdinae. American Museum Novitates. 1753 [http://digitallibrary.amnh.org/dspace/bitstream/2246/5405/1/N1753.pdf]</ref> kaj la [[mtDNA]] sugestis, ke ĝi estas distinga specio.<ref>Bensch, S and D. Pearson (2002) The Large-billed Reed Warbler ''Acrocephalus orinus'' revisited. Ibis (2002), 144:259–267 [http://ask.lub.lu.se/archive/00020515/01/Bensch_etal_Ibis_2002.pdf PDF] [http://www.ncbi.nlm.nih.gov/entrez/viewer.fcgi?db=nucleotide&val=21396632 Nucleotide sequence]</ref>

 

La 27an de marto de 2006 oni kaptis vivantan specimenon ĉe Medistuda kaj Disvolviga Projekto en [[Peĉaburio]], [[Tajlando]] fare de ornitologo Philip Round de [[Universitato Mahidol]]. Tiu birdo estis [[Birdoringado|ringata]] kaj oni elprenis du plumojn, kies DNA kongruis kun tiu de la specimeno de 1867.<ref>The Nation, [http://www.nationmultimedia.com/2007/03/07/headlines/headlines_30028700.php March 6, 2007]</ref><ref>Round, Philip D., Bengt Hansson, David J. Pearson, Peter R. Kennerley, Staffan Bensch. (2007) Lost and found: the enigmatic large-billed reed warbler ''Acrocephalus orinus'' rediscovered after 139 years. Journal of Avian Biology 38:2 133 [http://luur.lub.lu.se/luur?func=downloadFile&fileOId=624733 PDF]</ref>

 

<references/>

 

 

{{Birdoj}}

[[en:Large-billed Reed-warbler]]

[[es:Acrocephalus orinus]]

[[it:Acrocephalus orinus]]

[[ml:വയല്‍ക്കുരുവി]]

[[nl:Humes karekiet]]