Anhalt-Zerbst (princlando): Malsamoj inter versioj

En 1667 la princlando heredis per komplikita heredprocedo reglandon [[Jever]] en [[Distrikto Friesland|Frislando]]. La princoj mem nur malofte restadis en ĉi tiu fora parto de sia lando kaj anstataŭigis sin plejparte de proksima parenco. Kristnaskon 1717 la eta teritorio travivis teruran ŝtormtajdan katastrofon, kiu viktimigis pli ol mil homojn.

En 1747 [[Frederiko Aŭgusto (Anhalt-Zerbst)|Frederiko Aŭgusto]] fariĝis princo de Anhalt-Zerbst. Ĝis 1752 ankoraŭ regis lia patrino anstataŭe lin. La princo plejparte restadis en [[Luksemburgio]] kaj regigis sian landon per kortegaj konsilantoj, kio favoris senordigitan regadon fakte dum lia tuta reganteco. En 1777/1778 li vendis du regimentojn el Zerbst kaj Jever (ĉ. 600 viroj) al la brita krono, kiuj tuj estis ŝipitaj al norda [[Ameriko]] en la ribelantajn koloniojn. Multaj el la soldatoj jam ne travivis la transveturadon aŭ fuĝis post la alveno transoceanen.

En 1793 princo Frederiko Aŭgusto mortis sen viraj heredantoj, tiel ke la linio Anhalt-Zerbst estingiĝis. La reglando Jever iris laŭ ina heredsekvoordo al lia fratino Zofia Aŭgusta Frederika, kiu intertempe cariĝis en Rusio kiel [[Katerina la 2-a (Rusio)|Katerina la 2-a]]. Ĉi tiu siaflanke instalis la vidvinon de sia frato, [[Frederika Aŭgusta Zofia de Anhalt-Zerbst|Frederika Aŭgusta Zofia]] (1744-1827), kiel „cara rusa gubernatorino“, kiu plenumis ĉi tiun servon ĝis 1806.

La pralando Anhalt-Zerbst estis disdonita en 1797 okaze de la Zerbst-a disdivido al la tri aliaj ankoraŭ ekzistaj linioj Anhalt-Dessau, Anhalt-Köthen kaj Anhalt-Bernburg. La urbo Zerbst mem estis lotata la 28-an de decembro 1797: gajninto estis princo [[Leopoldo la 3-a (Anhalt-Dessau)|Leopoldo la 3-a]] de Anhalt-Dessau.

[[de:Fürstentum Anhalt-Zerbst]]