[[Dosiero:Marseillaisenoframe.jpg|thumb|right|250px|[[Claude Joseph Rouget De Lisle|Rouget de Lisle]], kreinto de la Marseljezo, kantas ĝin je la unua fojo.]]
'''Marseljezo''' aŭ '''Marsejezo''' estas la [[nacia himno]] de [[Francio]]. En la [[franca lingvo]], ''La Marseillaise'' signifas "la [[Marsejlo|marsejla]]". La vortojn verkis la [[Strasburgo|strasburga]] kapitano [[Claude Joseph Rouget de Lisle]] ([[1760]]-[[1836]]) en [[1792]], t.e. en la [[Franca Revolucio|revolucia]] periodo de Francio. La kanto unue nomiĝis ''Chant de Guerre pour l'Armée du Rhin'' (Militkanto por la Rejna Armeo); en 1792 marsejlaj regimentanoj eniris Parizon kantante tiun ĉi kanton... kiun la parizanoj sekve renomis ''La Marseillaise''. Ĝin oni adoptis kiel nacian himnon unuafoje en [[1795]] ([[Unua Franca Respubliko]]); ekde [[1879]] ĝi denove fariĝis la nacia himno. Ĝi estis kanto ankaŭ de revolucianoj kaj liberanoj en [[Eŭropo]], kelkajn unuajn monatojn de sovetia potenco en Rusio ĝia melodio (kun aliaj, netradukitaj vortoj) estis uzata kiel himno de la Soveta [[Rusio]].
La kanto konsistas el 7 strofoj, inter kiuj la sepa estis poste verkita, kaj nur 3 nun estas ankoraŭ uzataj (1, 6 k 7).
