Malnova Urbo (Prago): Malsamoj inter versioj

 

 

 

Historiaj sciigoj pri loĝateco de la hodiaŭa Malnovurba areo ekzistas ekde la dua duono de la 10-a jarcento. Tamen la definitiva fondo de la plej malnova kvartalo de Prago okazis en la kvara jardeko de 13-a jarcento. Tiam, en jaroj 1232-34, la reĝa monstampisto Eberhard fondis oriente de la jam ekzistinta sidloko la Sta Gallo-kvartalon. Tiu nova sidloko de ba-variaj koloniistoj etendis sin ĉirkaŭ la paroĥpreĝejo de Sta Gallo kaj ĝi diferencis de la antaŭaj per sia regula fondplano. Ĝi posedis statuton de urbaj liberecoj kaj estis sidejo de la reĝa urbestro. Oriente ĝi estis ĉirkaŭita per remparo kaj fosaĵo formanta duoncirklon, proksimume surloke de hodiaŭaj stratoj "Národní třída" (Nacio Avenuo), "Příkopy" (Fosaĵoj - la nomo memori-gas iaman fosaĵon sub la urba muro) kaj "Revoluční třída" (Revolucio Avenuo). Tiamaniere unuiĝis la nova kvartalo Sta Gallo kun la aliaj sidlokoj kaj formiĝis unu administra distrikto, kies centro estis la Foirplaco - la nuntempa [[Malnovurba Placo]], grava nodo de la malnovaj komercvojoj.