Ĉilia pulvoro: Malsamoj inter versioj

'''Ĉilia pulvoro''' ([[angle]] ''Chili Powder'' aŭ ''Chili Mix'') estas akra [[usono|usona]] pulvora miksaĵo el la spicoj [[kajena pipro]] (angle ankaŭ nomata ''Chili'', tial la nomo), [[kumino]], [[ajlo]] kaj [[origano]]. Laŭrecepte povas aldoniĝi [[cinamo]], [[muskato]], [[kariofilo]], [[kultiva koriandro|koriandro]] kaj pliaj enhavaĵoj. Ĉilia pulvoro estas tipa spico de la [[teksas-meksika kuirarto]], en suda [[Usono]] kaj norda [[Meksiko]] simple nomata ''Tex-Mex'', kaj malgraŭ sia esperantlingva nomo ne rekte rilatas al la same amerika lando [[Ĉilio]].

La unuaj grandkvante vendataj miksaĵoj de ĉilia pulvoro produktiĝis ekde [[1890]] de ''D. C. Pendry'' en [[Fort Worth]], Teksaso, kaj ekde 1894 de ''William Gebhardt'' en [[New Braunfels]], same Teksaso.