Zürich Stadelhofen (stacidomo): Malsamoj inter versioj

'''Zuriko-Stadelhofen''' (germane: '''Bahnhof Zürich-Stadelhofen''') estas stacidomo de la [[Svisaj Federaciaj Fervojoj]] en [[Zuriko]], [[Svislando]]. Ĝi estas grava trafiknodo de la urba kaj regiona trajnreto de la [[Zurika Trafik-Unio]].

 

La stacidomo Zuriko-Stadelhofen situas en la centro de la urbo ducent metrojn de la [[Lago de Zuriko]] kaj de la placo Bellevue. Ĉe la placo de la stacidomo troviĝas pluraj kinejoj kaj la [[Operejo]].

 

En la jaro [[1894]] estis malfermita la fervojlinio ĉe la dekstra bordo de la [[Lago de Zuriko]]. Ĝi konektis [[Rapperswil]] tra [[Meilen]] kun la [[Ĉefstacidomo Zuriko]]. De Zuriko-Stadelhofen la fervojlinio kondukis tra tunelo al Zuriko-Letten kaj de tie trans ponto per granda kurbiĝo al la halo de la Ĉefstacidomo. En la jaro [[1991]] estis konstruita la nova subtera stacidomo sub la Ĉefstacidomo kaj rekta tunelo de tie al Zuriko-Stadelhofen. Samtempe estis konstruita nova tunelo sub la montoĉeno de [[Pfannenstil]] al [[Stettbach]] kaj malfermita nova trajnlinio al Uster. La malnova tunelo al Letten estis fermita.

 

La novkonstruon de la stacidomo [[Zuriko-Stadelhofen]] planis la fama arkitekto [[Santiago Calatrava]]. La novklasika konstruaĵo de la giĉetdomo estis renovigita kaj kombinita kun la ŝtalbentonkonstruaĵo por la kajtegmentoj kaj la fermeblaj eninrejoj al la subteraj vendejoj.

 

Per du-spura tunelo la stacidomo Zuriko-Stadelhofen estas ligita kun la [[Ĉefstacidomo Zuriko]]. Inter la Ĉefstacidomo kaj Stadelhofen cirkulas entute 8 regionaj trajnlinioj (S3), (S5), (S6), (S7), (S9), (S12), (S15) kaj (S16), kiuj ĉiuj cirkulas en 30- kaj parte en 15-minuta kadenco, el kio rezultas, ke inter la du stacidomoj veturas trajno ĉiujn 3-an minuton. Per tiuj ok trajnlinioj de Stadelhofen eblas atingi praktike la tutan [[Kantono Zuriko|Kantonon Zurikon]]. De la Stadelhofen-Placo krome cirkulas 4 tramlinioj (linioj 2, 4, 11 kaj 15 de la [[Zurikaj Trafikentreprenoj]]) kaj la regiona tramlinio S18 (nome la [[Forch-Fervojo]]).

 

{{el}} [http://www.greatbuildings.com/buildings/Stadelhofen_Railway_Stati.html Gravaj konstruaĵoj - teksto pri la stacidomo Zuriko-Stadelhofen en la anlga]

{{el}} [http://fahrplan.search.ch/zuerich-stadelhofen Reta horaro de la trajnoj ek de Zuriko-Stadelhofen]

 

{{projektoj|commonscat=Bahnhof Stadelhofen|Zuriko-Stadelhofen}}

 

[[Kategorio:Trafiko de Svislando]]

[[ar:محطة سكة حديد ستادلهوفين]]

[[de:Bahnhof Zürich Stadelhofen]]

[[fr:Gare de Zurich Stadelhofen]]

[[ja:チューリッヒ・シュタデルホーフェン駅]]