Teknologia Universitato Berlino: Malsamoj inter versioj

La '''Teknologia Universitato Berlino''' – [[germane]] ''Technische Universität Berlin'' aŭ mallonge ''TU Berlin (TUB)'', antaŭ la jaro [[1946]] ''Technische Hochschule Berlin'', do "Teknologia Altlernejo Berlino" - estas unu el la kvar [[universitato]]j en [[Berlino]].

Dum la jaro [[1879]] fondiĝis la "Reĝa Teknologia Altlernejo" ''(Königliche Technische Hochschule)'', en la burĝa urbokvartalo ''Charlottenburg'' iom okcidente de la historia urbocentro de Berlino. Inter la jaroj [[1878]] kaj [[1884]] tie konstruiĝis altlerneja ĉefkonstruaĵo en la stilo de itala alta [[renesanco]], monumenta konstruaĵo kun kvin internaj kortoj. Dum la [[Dua Mondmilito]] la konstruaĵo je granda parto detruiĝis. Postmilite tri el la internaj kortoj, la flankaj aloj kaj la malantaŭa parto de la konstruaĵego rekonstruiĝis, sed la fronta fasado komence de la 1950-aj jaroj komplete forprenita kaj anstataŭigita per nova, moderna fasado. Dum la tempo de [[Nazia Germanio]] inter la jaroj [[1933]] kaj [[1945]] ekzistis planoj transformi la altlernejon al parto de grandega armea universitato, sed pro la suicido de la planita fakultata gvidisto la planoj nur je tre malgranda parto realiĝis.

La 20-an de aprilo [[1945]] la "teknologia altlernejo" estis fermita kaj la 9-an de aprilo [[1946]] remalfermita kiel "teknologia universitato" kun nova humanisma koncepto, en la [[okcidenta Berlino|okcidenta]], ne-komunisma, parto de la urbo. Dum la jaro [[1965]] la nuntempe videbla, nova antaŭa parto de la ĉefkonstruaĵo en moderna stilo estis konstruita antaŭ la ĝisnuna konstruaĵego, kaŝante ĝin – la nova konstruaĵo estis dek-etaĝa, tegmentita per aluminio, kun antaŭmetita plej granda prelegejo (''Auditorium Maximum, Audimax''). Dum la tempo de la politika divido de Berlino kadre de la [[Malvarma Milito]] inter la jaroj [[1945]] kaj [[1990]], la Teknologia Universitato en la pleja urbocentro de [[Okcidenta Berlino]] kune kun la pli malcentra [[Libera Universitato Berlino]] estis la kerno de la universitata vivo en la ne-komunisma parto de Berlino.

{{elEL}} [http://www.tu-berlin.de/ oficiala retejo de la universitato]

{{elEL}} [http://www.kpl.tu-berlin.de/kpl/v-menue/kooperationen/ listo de la internaciaj kunlaboraj projektoj de la universitato (germane)]

{{elEL}} [http://www.charlottenburg-wilmersdorf.de/wissenswertes/lexikon/tub.html pri la protekto de la historiaj konstruaĵoj de la universitato (germane)]