Justus von Liebig: Malsamoj inter versioj

 

== Vivo ==

Justus Liebig naskiĝis kiel filo de farboproduktisto kaj -komercisto en la germana urbo Darmstadt. Jam frue li eksperiemntis kun materialoj, kiujn li trovis en la metiejo de la patro, kaj evolugis fortan intereson pri [[kemio]]. La gimnazion, kiu tradicie en Germanio finiĝas post la 13-a lerneja jaro, li nur vizitis ĝis la 11-a lerneja jaro, do ne ricevis la [[abituro|abituran ekzamenon]]. En la urbeto [[Heppenheim]] 20 kilometrojn sude de Darmstadt li komencis lerni la metion de apotekisto, sed post nelonga tempo nekontente ĉesis la metilernadon.

 

Dum oktobro [[1819]] li en la [[universitato de Bonn]] komencis studi kemion. Profesoroj ekaprezis lian talenton kaj li dungiĝis kiel asistanto en universitata laboratorio. Kiam lia ĉefa profesoro ricevis novan postenon en la [[Universitato de Erlangen-Nurenbergo|Universitato de Erlangen]], Justus Liebis sekvis lin kaj en [[Erlangen]] doktoriĝis. Dum maro [[1822]] li partoprenis en demonstracioj de demokratiemaj studentoj kaj sekve estis serĉata de la loka polico, tiel ke li devis fuĝi hejmen al [[Darmstadt]]. Lia profesoro en Erlangen poste atingis, ke la grandduko de Darmstadt atribuis al Justus Liebig [[stipendio]]n, kiu ebligis pluan studadon en la universitato [[Sorbono]] de [[Parizo]]. Ĉi-tie li konatiĝis kun la siatempe plej progresemaj profesoroj pri kemio.

 

Li ricevis posteno-ofertojn de la universitatoj [[Tallinn]] 1827, [[Göttingen]] 1835, [[Sankt-Peterburgo]] 1839, [[Vieno]] 1841, [[Londono]] 1845 kaj [[universitato de Hajdelbergo|Hajdelbergo]] 1851, kiujn li malakceptis, sed surbaze de kiuj li paŝon post paŝo povis elmarĉandi pli bonan salajron en la [[universitato de Gießen]]. Dum [[1852]] li tamen akceptis oferton pri profesoriĝo en la [[universitato de Munkeno|Ludoviko-Maksimiliano-Universitato Munkeno]]. Post kiam li evoluigis mineralan [[sterko]]n surbaze de superfosfato, li iĝis kunfondanto de la Bavaria Akcia Kompanio pri Kemiaj kaj Agrikulturaj Fabrikaĵoj, kiuj ankoraŭ nuntempe ekzistas kun la nuna germana nomo "Süd-Chemie". La [[15-an de decembro]] [[1859]] li iĝis prezidanto de la [[Bavario|Bavaria]] [[Akademio de Sciencoj]], kaj havis tiun postenon ĝis sia morto la [[18-an de aprilo]] [[1873]]. Dum [[1870]] li aldone iĝis honora civitano de la urbo [[Munkeno]].

 

La [[universitato de Gießen]] post la [[Dua Mondmilito]] honorige ricevis lian nomon kaj nuntempe nomiĝas ''Justus-Liebig-Universitato Gießen''.

 

En [[1858]] li ricevis membrecon en [[Hungara Scienca Akademio]].

 

 

== Vidu ankaŭ ==