'''Bestoj''' (science: ''Animalia'') estas [[organismo]]j kiuj kutime konsistas el pli ol unu [[ĉelo (biologio)|ĉelo]] (multĉeluloplurĉelulo), kies ĉeloj estas [[Eŭkariotoj|eŭkariotaj]] (kun vera [[nukleo]]), kaj kiuj malsame ol [[plantoplantoj]]j ne posedas celulozajn [[Ĉela muro|ĉelmurojn]] nek la eblon fari [[fotosintezo]]n (ne havas [[kloroplasto]]jn). Ili karakteras pro disvolvigo per [[embrio]], kiu trapasas fazon de [[blastulo]] kaj determinas fiksan korpan planon (kvankam multaj specioj povas suferi poste [[Metamorfozo (biologio)|metamorfozojn]]). La animaloj formas naturan grupon tre ligitan kun la [[fungo]]j. Animaloj estas unu el kvar [[natura regno (biologio)|regnoj]] de la domajno [[Eŭkariotoj]], kaj al ĝi apertenas ankaŭ la [[homo sapiens|homa estaĵo]] (vidu sube). Anstataŭ eltiri sian energion el fotosintezo, bestoj nutras sin per aliaj bestaj aŭ plantaj organismoj kaj per oksigeno por la spirado. La plej multaj bestoj estas [[movkapablo|movkapablaj]] kaj havas sentajn organojn.
Laŭ [[Jean-Baptiste Lamarck]], bestoj "estas vivantaj organizitaj korpoj, provizitaj per partoj ĉiam iriteblaj, preskaŭ ĉiuj digestas la nutraĵojn, per kiuj ili sin nutras, kaj moviĝas, unuj per la sekvo de volo ĉu libera, ĉu dependa, la aliaj per tiuj de ilia ekscitita iriteblo." Tiel ili diferenciĝas de la [[plantoj]].
