La '''Bahaa kalendaro''' uzata de la [[Bahaa Kredo]] estas ankaŭ nomata ''Badí‘'' ("Unika", "Mirinda") Kalendaro. Ĝi estas [["suna" kalendaro]] kun normaj jaroj de 365 [[tago]]j kaj [[superjaro]]j de 366 tagoj, kiel eksplikite en la ''[[Kitáb-i-Aqdas]]''. Jaroj dividiĝas en 19 [[monato]]j, ĉiu kun 19 tagoj, kaj plusa periodo de "Intermetitaj Tagoj" (po 4 normjare, 5 superjare) inter la 18-a kaj 19-a monatoj (kutime la [[26-a de februaro]] ĝis la [[1-a de marto]]). Jaroj en la Bahaa kalendaro komenciĝas je la printempa [[ekvinokso]] (kutime la [[21-a de marto]] en la [[Gregoria kalendaro]]). Tagoj komenciĝas je [[sunsubiro]] la antaŭan [[suna tempo|suntagon]] kaj finiĝas je sunsubiro la aktualan suntagon.
