'''Toon WITKAM''' (naskiĝis la [[7-an de oktobro]] [[1944]], —mortis la [[29-an de novembro]] [[2018]]) estis [[Nederlando|nederlanda]] [[esperantisto]] kaj komputila programisto. Post studado ĉe la Teĥnika Universitato en [[Delft]] ([[Nederlando]]) li eniris la programaran industrion kiel programisto. Specialiĝinte pri perkomputila lingvistiko, li en ĉ. [[1982]] esperantiĝis kaj iniciatis DLT ([[Distribuita Lingvo-Tradukado]] — esplorprojekton, en kiu Esperanto rolis kiel interlingvo). Dum la [[1990-aj jaroj]] li konsilis la [[Eŭropa Komisiono|Eŭropan Komisionon]] pri aŭtomata tradukado, laboris kiel gast-esploristo en [[Japanio]] kaj estis partotempa profesoro pri [[informadiko]] (kogna ergonomio de homa-komputila interfaco) en Delft. Emeritiĝinte post [[2001]], li okupiĝis pri Esperanta vortstatistiko kaj tekstanaliza [[programaro]]. Li estis membro de GIL ([[Gesellschaft für Interlinguistik]], [[Berlino]]) kaj estrarano de la [[Internacia Esperanto-Instituto]] ekde [[2007]].
=== Eksteraj ligiloj ===
* [http://www.espsof.com ESPSOF] Esperantlingva vortstatistika kaj tekstanaliza softvaro kun konkordancilo
