Sennacieca Asocio Tutmonda: Malsamoj inter versioj

La '''Sennacieca Asocio Tutmonda''' ('''SAT''') estas sendependa, neneŭtrala tutmonda [[Esperantaj Asocioj|Esperanto-asocio]]. SAT multe eldonas, inter ĝiaj eldonoj estas la [[Plena Ilustrita Vortaro de Esperanto]]. Ĝi havas tramondan reton de SAT-perantoj. SAT estas ligita al la [[Laboristaj Esperanto-Asocioj]] (LEA-oj) per la konvencio de [[Gotenburgo]]. SAT fondiĝis en [[1921]] kiel la organizaĵo de la [[Laborista movado|Laborista Esperanto-movado]]. Grava figuro inter la fondintoj de SAT estis Eugène Adam, kiu konatiĝis sub la pseŭdonimo [[Eŭgeno Lanti]]. Fine de la 20-aj jaroj SAT havis pli ol 6000 membrojn. Kiel relative granda internacia asocio kun individua membreco (kontraste kun ombrelaj asocioj, kiuj kunigas landajn organizaĵojn) ĝi estis unikaĵo en la laborista movado. En 2003 la tiama prezidanto de la Plenum-Komitato, [[Jakvo Schram]], indikis membronombron de 881.<ref>Jakvo Schram en intervjuo ''[http://esperanto.org/Ondo/H-schram.htm SAT plu estas avangarda]''. en: ''La Ondo de Esperanto'' 5, 2003</ref> En 2006 la nombro de pagantaj membroj estis 724.<ref>laŭ indiko de la Ĝenerala Sekretario Krešimir Barković en interna cirkulero de 2007-07-18</ref> En 2015-2016 ĝi estis 525.<ref>''Agadraporto de la PK por la periodo de Junio 2015 ĝis Majo 2016'', [[Sennaciulo]], Majo-Junio 2016, paĝo 31.</ref>