'''Druzoj''' ([[arabe]]: ''duruzī'' درزي, pl. ''durūz'' دروز, [[hebree]]: druzim דרוזים) estas malgranda,aparta[[etnoreligia religia komunumogrupo]] loĝanta plejparte en [[Libano]], [[Israelo]], [[Sirio]], [[Turkio]] kaj [[Jordanio]]; malgrandaj grupoj ankaŭ elmigris al diversaj landoj de [[Ameriko]] kaj [[Eŭropo]] kaj alilanden. Ili uzas la [[Araba lingvo|araban lingvon]] kaj kondutas laŭ socia ŝablono tre simila al la [[araboj]] de tiu regiono. Plej multaj druzoj diras, ke ilia religio estas [[Islamo|islama]], sed plej multaj islamanoj ne akceptas tion kaj opinias ilin [[herezo|herezuloj]] aŭ alikredantoj. Ili interalie kredas je [[reenkarniĝo]]. Plej multaj druzoj nomas sin araboj, kvankam iuj (precipe en Israelo) neas tion. Ne ekzistas preciza censo, sed oni taksas ke la tutmonda druzaro nombras proksimume 1 milionon. Ili ne provas disvastigi sian religion, laŭ ili la pordoj estas fermitaj kaj nenia aliĝo al Druzismo eblas krom per naskiĝo.
